2016 წელს ჩატარებულმა საპარლამენტო არჩევნებმა გამიწვია სომხეთის რესპუბლიკური პარტიის პოპულარობის დაკარგვა. ლიბანური წარმოშობის ეთნიკურმა სომეხმა ჟირაირ სეფილიანმა ჩამოაყალიბა ახალი სომხეთის სახალხო-განმათავისუფლებელი ფრონტი[2]. სეფილიანი დააპატიმრეს 2006 წელს ხელისუფლების ძალადობრივი დამხობის ბრალდებით და მიუსაჯეს 18 თვით პატიმრობა. ციხიდან გამოვიდა 2008 წელს. 2005 წელს იგი და მისი რამდენიმე მომხრე კვლავ დააპატიმრეს გადატრიალების ბრალდებით, თუმცა მალევე გაანთავისუფლეს.
სომხეთში ვითარება მას შემდეგ დაიძაბა, რაც 17 ივლისის დილას, სულ ცოტა, ათი შეიარაღებული პირი შეიჭრა ერებუნის რაიონის პოლიციის განყოფილებაში. თავდამსხმელები მოითხოვენ „დამფუძნებელი პარლამენტის“ დაპატიმრებული ლიდერის, ჟირაირ სეფილიანის, გათავისუფლებას და პრეზიდენტ სერჟ სარქისიანის გადადგომას[3]. მოლაპარაკებების შემდეგ ორივე პოლიციელი გაანთავისუფლეს. პარლამენტის წევრი ვიტალი ბალასანიანი იყო შუამავალი ხელისუფლებასა და ოპოზიციას შორის. მან განაცხადა, რომ გათავისუფლებულია ერევნის პოლიციის უფროსის მოადგილე ვალერი ოსიფიანი და ეროვნული პოლიციის უფროსის მოადგილე ვარდან ეღიაზარიანი. 30 ივლისს ცეცხლის გახსნის შემდეგ დაიღუპა პოლიციელი. მას ესროლეს იმ შენობიდან, სადაც გამაგრებულია შეირაღებული ოპოზიციური ჯგუფი[3].
როგორც სომხეთის ეროვნული უშიშროების სამსახური იუწყება 31 ივლისს შეიარაღებულმა ოპოზიციურმა დაჯგუფებამ იარაღი დაყარა და მთავრობას ჩაბარდა[4].
