ევროპის ჩემპიონატი ხელბურთში

ევროპაში ხელბურთის გეოგრაფიის (გაიზარდა ქვეყნების რიცხვი) და საერთაშორისო ტურნირების გაზრდამ, დღის წესრიგში დააყენა ევროპული კონტინენტალური კონფედერაციის შექმნა, რომელიც თავად მიხედავდა ხელბურთის განვითრებას და საერთაშორისო შეჯიბრებების ჩატარებას ევროპის კონტინენტზე. ამიტომაც 1991 წლის ნოემბერს ბერლინში ევროპული ქვეყნების ხელბურთის ფედერაციების წარგზავნილებმა დააარსეს ევროპის ხელბურთის ფედერაცია (EHF). იგი მაშინვე გაწევრიანდა ხელბურთის საერთაშორისო ფედერაციაში და თავის თავზე აიღო ევროპული ხელბურთის მოვლა-პატრონობა. უკვე თავის პირველივე კონგრესზე ფედერაციამ გადაწყვიტა ჩაეტარებინა ევროპის ჩემპიონატები ხელბურთელ ვაჟთა და ქალთა ნაკრებ გუნდებს შორის. უკვე 1994 წელს პორტუგალიაში (ვაჟები) და გერმანიაში (ქალები) გაიმართა ევროპის პირველი ჩემპიონატები. ჩემპიონატები ტარდება ორწლიანი ციკლით. თანამედროვე ხელბურთში შექმნილი ძალთა განლაგება სრულიად იძლევა იმის საფუძველს რომ ევროპის ჩემპიონატები ჩაითვალოს მცირე მსოფლიოს ჩემპიონატებად, თუმცა ზოგჯერ ზოგიერთი გუნდი ამ ტურნირს იყენებს უფრო მნიშვნელოვანი ტურნირებისათვის (ოლიმპიური თამაშები და მსოფლიოს ჩემპიონატები) მომზადების მიზნით.

ჩემპიონები და პრიზიორები, ვაჟები

#	წელი	ჩატარების ადგილი	მონაწილეთა რაოდენობა	პირველი ადგილი	მეორე ადგილი	ფინალური მატჩის შედეგი	მესამე ადგილი
I	1994	პორტუგალია	12	შვედეთი	რუსეთი	34 - 21	ხორვატია
II	1996	ესპანეთი	12	რუსეთი	ესპანეთი	23 - 22	იუგოსლავია
III	1998	იტალია	12	შვედეთი	ესპანეთი	25 - 23	გერმანია
IV	2000	ხორვატია	12	შვედეთი	რუსეთი	32 - 31	ესპანეთი
V	2002	შვედეთი	16	შვედეთი	გერმანია	33 - 31	დანია
VI	2004	სლოვენია	16	გერმანია	სლოვენია	30 - 25	დანია
VII	2006	შვეიცარია	16	საფრანგეთი	ესპანეთი	31 - 23	დანია
VIII	2008	ნორვეგია	16	დანია	ხორვატია	24 - 20	საფრანგეთი
IX	2010	ავსტრია	16	საფრანგეთი	ხორვატია	25-21	ისლანდია
X	2012	სერბეთი	16	დანია	სერბეთი	21-19	ხორვატია

ჩემპიონები და პრიზიორები, ქალები

#	წელი	ჩატარების ადგილი	მონაწილეთა რაოდენობა	პირველი ადგილი	მეორე ადგილი	ფინალური მატჩის შედეგი	მესამე ადგილი
I	1994	გერმანია	12	დანია	გერმანია	27 - 23	ნორვეგია
II	1996	დანია	12	დანია	ნორვეგია	25 - 23	ავსტრია
III	1998	ნიდერლანდები	12	ნორვეგია	დანია	24 - 16	უნგრეთი
IV	2000	რუმინეთი	12	უნგრეთი	უკრაინა	32 - 30	რუსეთი
V	2002	დანია	16	დანია	ნორვეგია	25 - 22	საფრანგეთი
VI	2004	უნგრეთი	16	ნორვეგია	დანია	27 - 25	უნგრეთი
VII	2006	შვედეთი	16	ნორვეგია	რუსეთი	27 - 24	საფრანგეთი
VIII	2008	ჩრდ. მაკედონია	16	ნორვეგია	ესპანეთი	24 - 21	რუსეთი
IX	2010	დანია,  ნორვეგია	16	ნორვეგია	შვედეთი	25 - 20	რუმინეთი

ლიტერატურა

• სპორტის ენციკლოპედია. თბილისი. 2006
• Гандбол. Справочник. Москва. изд. ,,ФиС’’ 1982

რესურსები ინტერნეტში

• ფედერაციის ოფიციალური საიტი
• Sports123 დაარქივებული 2014-01-17 საიტზე Wayback Machine.
• შედეგების არქივი