გორის საოსტატო სემინარია

მასალა ვიკიპედიიდან — თავისუფალი ენციკლოპედია
Jump to navigation Jump to search

გორის საოსტატო სემინარია, ამიერკავკასიის სამასწავლებლო სემინარია, გაიხსნა 1876 წელს, ამზადებდა დაწყებითი სკოლის მასწავლებლებს. ჰქონდა 3 კურსი, სწავლება მიმდინარეობდა რუსულ ენაზე. ცალკე საგნებად ისწავლებოდა ქართული, სომხური და აზერბაიჯანული ენები. სემინარიასთან არსებობდა ქართული, რუსული, სომხური და აზერბაიჯანული დაწყებითი სკოლები, სადაც სემინარისტები პედაგოგიურ პრაქტიკას გადიოდნენ და ორი საცხოვრებელი პანსიონი - ქრისტიანი და მუსლიმანი მოსწავლეებისათვის. გორის საოსტატო სემინარიაში სხვადასხვა დროს სწავლობდნენ ვაჟა-ფშაველა, ნიკო და თედო რაზიკაშვილები, ლადო აღნიაშვილი, ნიკო ჯანაშია, ნ. ნარიმანოვაი, უ. ჰაჯიბეკოვი, მ. მაგომაევი და სხვები. სემინარია დაიხურა 1918 წელს.

ლიტერატურა[რედაქტირება | წყაროს რედაქტირება]

  • კეკელიძე მ., გორის სამასწავლებლო სემინარია, თბ., 1955;
  • ქსე, ტ. 3, გვ. 228-229, თბ., 1978