აქტინიდია
| აქტინიდია | ||||||||||||
|---|---|---|---|---|---|---|---|---|---|---|---|---|
 | ||||||||||||
| მეცნიერული კლასიფიკაცია | ||||||||||||
| ||||||||||||
| ლათინური სახელი | ||||||||||||
| Actinidia | ||||||||||||
| ||||||||||||
აქტინიდია (ლათ. Actinidia) — ხვიარა ბუჩქების (ლიანების) გვარი აქტინიდიასებრთა ოჯახისა. 2-8 მ სიმაღლის ორსახლიანი მცენარეა. აქვს ცალსქესიანი, იშვიათად ორსქესიანი თეთრი, ყვითელი ან მოწითალო ყვავილები. ნაყოფი კენკრაა, იჭმება. დიდი რაოდენობით შეიცავს ასკორბინის მჟავას.
აქტინიდიის 35 სახეობა გავრცელებულია უმთავრესად ჩინეთსა და იაპონიაში. ყოფილ სსრკ-ის შორეულ აღმოსავლეთ ტყეებში იზრდება მისი 5 სახეობა.
ივანე მიჩურინმა გამოიყვანა აქტინიდიის რამდენიმე ჯიში, რომლებიც სასიამოვნო მომჟავო-ტკბილ ნაყოფს ისხამს. აქტინიდია გამოიყენება აგრეთვე დეკორატიულ მებაღეობაში — მისი ფოთლები, გაზაფხულიდან დაწყებული, სამჯერ იცვლის ფერს (მწვანე, ვარდისფერი, თეთრი). აქტინიდია კარგად იტანს ზამთარს, ადვილად ამრავლებენ თესლით და კალმით.
ლიტერატურა[რედაქტირება | წყაროს რედაქტირება]
- ქართული საბჭოთა ენციკლოპედია, ტ. 2, თბ., 1977. — გვ. 42.