არალიისებრნი
| არალიისებრნი | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| მეცნიერული კლასიფიკაცია | ||||||||||||||
| ||||||||||||||
| ლათინური სახელი | ||||||||||||||
| Araliaceae | ||||||||||||||
| ||||||||||||||
არალიისებრნი (ლათ. Araliaceae) — ორლებნიან მცენარეთა ოჯახი. ხეები ან ბუჩქები (ზოგჯერ მცოცავი), იშვიათად კი მრავალწლოვანი ბალახებია. ყვავილები შეკრებილია რთულ ქოლგებად, თავაჯებად ან თავთავებად. ნაყოფი ხშირად წვნიანია. არალიისებრთა ოჯახი აერთიანებს 70-მდე გვარსა და 850-მდე სახეობას. გავრცელებულია უმთავრესად ტროპიკებსა და სუბტროპიკებში.
საქართველოს ბაღებსა და პარკებში იზრდება დეკორატიული ჩინური არალია (ლათ. Araliaceae chinensis — „Araliaceae mandshurica“), ეკლიანი არალია (ლათ. Araliaceae spinosa), სურო, რომელიც ბუნებრივადაც გვხვდება, და სხვა. ტექნიკური მნიშვნელობა აქვს იაპონურ ქაღალდის ხეს (ლათ. Tetrapanax papyriferum), რომლის გულგულისაგან ჩინეთში ამზადებენ ქაღალდს; კულტივირებულია კავკასიაში შავი ზღვის სანაპიროზე, კერძოდ, დასავლეთ საქართველოში.
არალიისებრთა ოჯახში აგრეთვე შედის მნიშვნელოვანი სამკურნალო მცენარეები (ჟენშენი, ელეუთეროკოკი და სხვა).
ლიტერატურა
[რედაქტირება | წყაროს რედაქტირება]- ქართული საბჭოთა ენციკლოპედია, ტ. 1, თბ., 1975. — გვ. 536-537.