ანჰინგა

ანჰინგა
აფრიკული ანჰინგა (Anhinga rufa)
მეცნიერული კლასიფიკაცია
სამეფო:  ცხოველები ტიპი:  ქორდიანები კლასი:  ფრინველები რიგი:  რეგვენასნაირნი ოჯახი:  ანჰინგისებრნი გვარი:  ანჰინგა
ლათინური სახელი
Anhinga (Brisson, 1760)
სისტემატიკა ვიკისახეობებში სურათები ვიკისაწყობში ITIS   174754 NCBI   9212 EOL   84460 FW   39686

ანჰინგა (ლათ. Anhinga) — ფრინველთა გვარი ანჰინგისებრთა ოჯახისა. აერთიანებს 4 თანამედროვე სახეობას, რომელთაგან ერთ-ერთი გადაშენების საფრთხის ქვეშაა. გვარში არეთვე შედის რამდენიმე ამომწყდარი სახეობაც. საკმაოდ მსხვილი ფრინველები არიან, ახასიათებთ სქესობრივი დიმორფიზმი: მამლები შეფერილნი არიან შავ, ან მუქ ყავისფრად, რომლებსაც კეფაზე ბიბილო და დედალთან შედარებით გრძელი ნისკარტი; დედლების შეფერილობა უფრო კაშკაშაა, განსაკუთრებით კისერსა და ღაბაბზე. ფრთების ზედა მხარეს ორივე სქესის წარმომადგენლებს აქვთ ნაცრისფერი ელფერი. ნისკარტი გრძელი, სწორი, ბოლოში წამახვილებლი და გვერდებზე ოდნავ დაკბილულია. ფეხები აპკებიანი, მოკლე და მუცლის უკანა მხარეს განლაგებულია. გავრცელებული არიან ეკვატორულ, ტროპიკულ და სუბტროპიკულ სარტყლებში. ბინადრობენ მტკნარი წყლების ნაპირებზე, უმთავრესად მდინარეებსა და ტბებზე, აგრეთვე ჭაობების, ლიმანების, ლაგუნების და უბეების სანაპიროებზე. იკრიბებიან 100-მდე წევრისგან შემდგარ გუნდებად, მხოლოდ შთამომავლობაზე ზრუნვის დროს არიან მარტოსულები. ეწევიან ცხოვრების ადგილობრივ წესს, ანუ არ მიგრირებენ, მხოლოდ არეალის განაპირა ზონებში მცხოვრებ ინდივიდებს ახასიათებთ მიმოფრენა. იკვებებიან უმთავრესად თევზით, აგრეთვე ქვეწარმავლებით (გველები, კუები) და უხერხემლოებით (მწერები, კრევეტები, მოლუსკები). კარგად ცურავენ და ყვინთავენ. მონოგამები არიან, ანუ ერთი სეზონის განმავლობაში წყვილები ერთად ცხოვრობენ. ჯვარდებიან სეზონურად ან მთელი წლის განმავლობაში, დამოკიდებული არიან გავრცელების არეალზე. ბუდეს აკეთებენ ხეებზე ან ლელქაშებში. დებენ 2–6 (უფრო მეტად 3–6) მომწვანო-მოცისფრო კვერცხს. ინკუბაცია 25–30 დღე-ღამე გრძელდება. ბარტყები უმწეოები და შეუბუმბულავები იბადებიან. მათზე ორივე მშობელი ზრუნავს. მოწიფულ ასაკს 2 წელში აღწევენ. ცოცხლობენ 9 წლამდე.

სახეობები

• Anhinga anhinga — ამერიკული ანჰინგა
• Anhinga melanogaster — ინდური ანჰინგა
• Anhinga rufa — აფრიკული ანჰინგა
• Anhinga novaehollandiae — ავსტრალიური ანჰინგა
• † Anhinga nana
• † Anhinga parva
• † Anhinga walterbolesi
• † Anhinga subvolans
• † Anhinga grandis
• † Anhinga sp. — შესაძლოა იყოს Anhinga pannonica
• † Anhinga fraileyi
• † Anhinga pannonica
• † Anhinga minuta
• † Anhinga grandis
• † Anhinga malagurala
• † Anhinga sp. — შესაძლოა იყოს Anhinga beckeri
• † Anhinga hadarensis
• † Anhinga beckeri

ლიტერატურა

• Answers.com (2003): Змеешейка. In: Columbia Electronic Encyclopedia, Sixth Edition Columbia University Press. Accessed August 29, 2006.
• Georgia Museum of Natural History & Georgia Department of Natural Resources (2000): Порядок: Пеликанообразные. In: Georgia Wildlife Web. Accessed August 30, 2006.
• Lockwood, Burleigh (2006): Пеликанообразные. Fresno Chaffee Zoo. Accessed August 30, 2006.
• Miller, Alden H. (1966): An Evaluation of the Fossil Anhingas of Australia. Condor 68(4): 315—320. PDF текст დაარქივებული 2009-12-11 საიტზე Wayback Machine.
• Myers P., Espinosa R., Parr C. S., Jones T., Hammond G. S. & Dewey T. A. (2006): Anhingidae. In: The Animal Diversity Web (online). Accessed August 29, 2006.
• Olson, Storrs L. (1975): An Evaluation of the Supposed Anhinga of Mauritius. Auk 92:374-376. PDF текст დაარქივებული 2009-12-11 საიტზე Wayback Machine. .