ანა კარინა

ანა კარინა
ანა კარინა 1968 წელს
დაიბადა	ჰანა კარინ ბლერკ ბეიერი 22 სექტემბერი, 1940 ფრედერიკსბერგი, დანია
გარდაიცვალა	14 დეკემბერი, 2019 (79 წლის) პარიზი, საფრანგეთი
საქმიანობა	მსახიობი, რეჟისორი, მწერალი, ვოკალისტი
მეუღლე	ჟან ლუკ გოდარი (1961-1965) პიერ ფაბრე (1968-1974) დენიელ დიუვალი (1978-1981) დენის ბერი (1982-დან კარინას სიკვდილამდე)

ანა კარინა (ფრანგ. Anna Karina; დაბადებით ჰანა კარინ ბეიერი; დ. 22 სექტემბერი, 1940, ფრედერიკსბერგი, დანია — გ. 14 დეკემბერი, 2019, პარიზი, საფრანგეთი) — დანიელ-ფრანგი ავანგარდისტი მსახიობი, რეჟისორი, მწერალი და მომღერალი. ფრანგული ახალი ტალღის რეჟისორის, ჟან-ლუკ გოდარის მუზა 1960-იან წლებში. მონაწილეობდა მის ფილმებში, მათ შორის „პატარა ჯარისკაცი“, „ქალი ქალია“, „ცხოვრება საკუთარი ცხოვრებით“, „გიჟი პიერო“ და სხვ.

ადრეული ცხოვრება

კარინა ჯერ კიდევ პატარა იყო, როცა გემის კაპიტანმა მამამისმა ის და დედამისი მიატოვა. 4 წლამდე მას ბებია და ბაბუა ზრდიდნენ, ხოლო შემდეგ კი ბავშვთა თავშესაფარს მიაბარეს. 9 წლის ასაკში ის დედას დაუბრუნდა. კარინა მალევე სახლიდან გაიქცა.

რამდენიმე წლის განმავლობაში იგი ცეკვას შეისწავლიდა და მოდის ჟურნალებისთვის მოდელად მუშაობდა. გამოჩნდა რამდენიმე დამოუკიდებელ ფილმშიც, მათ შორის არის მოკლემეტრაჟიანი ფილმი „გოგო და ფეხსაცმელები“ (1959; Pigin og skoene), რომელიც კანის კინოფესტივალზე წარადგინეს. იმავე წელს პარიზში გადავიდა, სადაც ფრანგული ახალი ტალღის რეჟისორს, ჟან-ლუკ გოდარს შეხვდა.

კინო-კარიერა

მიუხედავად იმისა, რომ კარინამ ფილმში „უკანასკნელ ამოსუნთქვამდე“ (1960) როლი ვერ მიიღო, ის მალევე გამოჩნდა „პატარა ჯარისკაცში“ (1960).

1961 წელს კარინა ჟან-ლუკ გოდარზე დაქორწინდა. მთლიანობაში მათ ერთად შვიდი ფილმი გადაიღეს.

მიუხედავად იმისა, რომ კარინას უმუშავია სხვა მნიშვნელოვან რეჟისორებთან, როგორებიც არიან ლუკინო ვისკონტი (1967; „უცხო“) რეინერ ვერნერ ფასბინდერი (1976; „ჩინური რულეტი“), ფართო საზოგადოებამ ის მაინც გოდართან მუშაობის გამო დაიმახსოვრა.

1973 წელს მან თავისი სარეჟისორო დებიუტი, „ერთად ცხოვრება“ (Vivre ensemble, 1973) გამოუშვა, რომელშიც თავად იღებდა მონაწილეობას. ფილმის ჩვენება კანის კინოფესტივალის 26-ე დაჯილდოებაზე გაიმართა. იგი ავტორია ფილმისა „ბოლო სიმღერა“ (1987), რომელშიც ერთ-ერთ როლს თავად ასრულებს. იმღერა ფილმებში „სიმართლე ჩარლის შესახებ“ (2002) და „შარადა“ (1963).

მუსიკალური და სამწერლო კარიერა

1960 გამოშვებულ სატელევიზიო კომედიურ მიუზიკლში, „ანა“ (1967) კარინა შვიდ სიმღერას ასრულებს სერჟ გენსბურთან და ჟან-კლოდ ბრიალისთან ერთად. კარინამ ჩაწერა ალბომი, სახელად „სიყვარულის ისტორია“, ფილიპ კატერინთან ერთად, რომელსაც საკონცერტო ტური მოჰყვა. 2005 წელს გამოუშვა „სიმღერები ფილმებიდან“, რომელიც მის მიერ სხვადასხვა ფილმებში შესრულებული სიმღერების კოლექციაა.

კარინამ ოთხი რომანი დაწერა.

ფილმოგრაფია

წელი		ქართულად	მშობლიური სახელწოდება	როლი
1961	ფ	„დღეს ან არასდროს“	Tonight Or Never	ვალერი
1961	ფ	„ქალი ქალია“	Une femme est une femme	ანჯელა რეკამიე
1961	ფ	„კლეო 5-დან 7-მდე“	Cléo de 5 à 7	საცოლე
1961	ფ	„მას წასვლა მოუწევს“	She'll Have To go	ტონი
1962	ფ	„მზე შენს თვალებში“	Le Soleil dans l'oeil	დაგმარი
1962	ფ	„ცხოვრება საკუთარი ცხოვრებით“	Vivre sa vie	ნანა კლეინფრანკენჰეიმი
1962	ფ	„სამი იგავი სიყვარულზე“	Les Quatre Vérités	კოლომბი
1962	ფ	„პატარა ჯარისკაცი“	Le petit soldat	ვერონიკა დრეიერი
1963	ფ	„შეჰერეზადა“	Shéhérazade	პიერ-გასპარ ჰუიტი
1963	ფ	„ტკბილი და მწარე“	Dragées au poivre)	ჯინეტი
1963	ფ	„აუთსაიდერების ბანდა“	Bande à part	ოდილი
1964	ფ	„სიყვარულის წრე“	La ronde	როუზი
1964	ფ	„ყველაფერი სიყვარულის შესახებ“	De l'amour	ჰელენი
1964	ფ	„ტიბიდაბოს ქურდი“	Le voleur de Tibidabo	მარია
1964	ფ	„ალფავილი“	Alphaville: une étrange aventure de Lemmy Caution	ნატაშა ფონ ბრაუნი
1965	ფ	„ბანაკის მიმდევრები“	The Camp Followers	ელენიცა კარაბორისი
1965	ფ	„Un mari à un prix fixe“	Un mari à un prix fixe	ბეატრის რეინჰოფი
1965	ფ	„გიჟი პიერო“	Pierrot le Fou	მერიენ რენუარი
1966	ფ	„მონაზონი“	La Religieuse	სუზან სიმონინი
1966	ფ	„შექმნილია აშშ-ში“	Made in USA	ჟან-ლუკ გოდარი
1966	ფ	„ანა“	Anna	ანა
1966	ფ	„Zärtliche Haie“	Zärtliche Haie	ელენა/კოსტა
1967	ფ	„ყველაზე ძველი პროფესია“	Le Plus Vieux Métier du monde	ნატაშა/ელეანორ რომეოვიჩი, დიასახლისი 703
1967	ფ	„ლამიელი“	Lamiel	ლამიელი
1967	ფ	„უცხო“	Lo straniero	მარი კარდონა
1968	ფ	„ჯადოქარი“	The Magus	ანე
1968	ფ	„სანამ ზამთარი მოვა“	Before Winter Comes	მარია
1968	ფ	„სიცილი ბნელში“	Laughter in the Dark	მარგო
1969	ფ	„Justine“	Justine	მელისა
1970	ფ	„სიკვდილის დრო“	Le Temps de mourir	უსახელო ქალი
1970	ფ	„საქორწინო ბეჭედი“	L'Alliance	ჯეანი
1971	ფ	„კარლოსი“	Carlos	კლარა
1972	ფ	„ზალცბურგის კავშირი“	The Salzburg Connection	ანა ბრაიანტი
1973	ფ	„ერთად ცხოვრება“	Vivre ensemble	ჯული ანდერსონი
1974	ფ	„პური და შოკოლადი“	Pane e cioccolata	ელენა
1976	ფ	„ერბოკვერცხი“	Les Œufs brouillés	კლარა დუტილეუ
1976	ფ	„ჩინური რულეტი“	Chinesisches Roulette	ინერ კარტისი
1978	ფ	„როგორც სახლში“	Olyan mint otthon	ანა
1979	ფ	„დედის ისტორია“	Historien om en moder	კრისტინ ოლსენი
1980	ფ	„შარლოტა, უთხარი დედაშენს, რომ მიყვარს“	Charlotte, Tell Your Mother that I Love Her	სტეფანი
1983	ფ	„ვინსენტის მეგობარი“	Vincent's Friend	ელეანორი
1985	ფ	„განძის კუნძული“	L'île au trésor	დედა
1987	ფ	„ბოლო სიმღერა“	Last Song	სუზანი
1990	ფ	„კაცი, რომელსაც დამნაშავედ ყოფნა უნდოდა“	The Man Who Wanted to Be Guilty	ედიტი
1996	ფ	„ქლოი“	Chloé	კატია
2002	ფ	„სიმართლე ჩარლის შესახებ“	The Truth About Charlie	კარინა
2003	ფ	„მე, სეზარი“	I, Cesar	გლორია
2008	ფ	„ვიქტორია“	Victoria	ვიქტორია

რესურსები ინტერნეტში

• ანა კარინას ფოტოები
• ანა კარინა Mubi-ზე
• BBC ანა კარინას გარდაცვალების შესახებ
• ანა კარინას ბიოგრაფია