ანატოლიის ზეგანი

მასალა ვიკიპედიიდან — თავისუფალი ენციკლოპედია
Jump to navigation Jump to search
ანატოლიის ზეგანი
Erciyes From Aktepe Goreme.JPG
კოორდინატები: 39° ჩ. გ. 35° ა. გ. / 39° ჩ. გ. 35° ა. გ. / 39; 35
ქვეყანა თურქეთის დროშა თურქეთი
უმაღლესი წერტილი ერჯიასი
სიმაღლე 3916 
სიგრძე 700 კმ
სიგანე 400 კმ
ამგებელი ქანები დანალექი ქანები
ანატოლიის ზეგანი — თურქეთი
ანატოლიის ზეგანი

ანატოლიის ზეგანი — ზეგანი თურქეთში, მცირე აზიის მთიანეთის შიგა ნაწილი. ჩრდილოეთით ესაზღვრება პონტოს მთები, სამხრეთით ტავრის მთები. აღმოსავლეთიდან დასავლეთისაკენ გადაჭიმულია დაახლოებით 700 კმ-ზე, სიგანე 400 კმ-მდე. აგებულია პალეოგენური და ნეოგენური დანალექი ქანებით. გაბატონებული სიმაღლე 800-1500 მ. ზედაპირი მოსწორებულია, ალაგ-ალაგ აღმართულია ქედები, არის ჩამქრალი ვულკანები. აღსანიშნავია სტრატოვულკანი ერჯიასი (3916 მ). სამხრეთში არის ღრმულები, მლაშობები და მარილიანი ტბები. აღსანიშნავია თუზის ტბა. დამახასიათებელია სუბტროპიკულ-კონტინენტური ჰავა, გრილი ზამთრით. ნალექები 200-500 მმ წელიწადში. მთავარი მდინარეებია ყიზილ-ირმაქი, საქარია. გავრცელებულია რუხი და მურა ნიადაგები. გვხვდება მშრალი სტეპები და ნახევარუდაბნოები. ზეგნის ჩრდილოეთ განაპირა მხარეს მდებარეობს თურქეთის დედაქალაქი ანკარა. მოსახლეობა მისდევს მესაქონლეობასა და მიწათმოქმედებას.

ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]