ალექსეი მურავიოვი

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
ალექსეი მურავიოვი
Муравьёв Алексей Владимирович.jpg
დაბ. თარიღი 1 აგვისტო, 1969(1969-08-01) (52 წლის) ან 1969[1]
დაბ. ადგილი მოსკოვი
მოქალაქეობა Flag of the Soviet Union.svg სსრკ
Flag of Russia.svg რუსეთი
საქმიანობა აღმოსავლეთმცოდნეობა, ისტორია, რელიგიათმცოდნეობა და პატროლოგია
მუშაობის ადგილი ეკონომიკის უმაღლესი სკოლა და მსოფლიო ისტორიის ინსტიტუტი
ალმა-მატერი მოსკოვის უნივერსიტეტის ფილოლოგიური ფაკულტეტი
სამეცნიერო ხარისხი ისტორიის მეცნიერებათა კანდიდატი

ალექსეი ვლადიმირის ძე მურავიოვი (რუს. Алексе́й Влади́мирович Муравьёв; დ. 1 აგვისტო 1969, მოსკოვი, სსრკ) — რუსი ისტორიკოსი-აღმოსავლეთმცოდნე, რელიგიათმცოდნე, აღმოსავლეთის ქრისტიანობის ისტორიის სპეციალისტი, პუბლიცისტი. ისტორიის მეცნიერებათა კანდიდატი, ნაციონალური კვლევითი უნივერსიტეტის „ეკონომიკის უმაღლეს სკოლასთან“ არსებული აღმოსავლეთმცოდნეობის სკოლის აღმოსავლეთის ცივილიზაციური განვითარების კათედრის უფროსი მასწავლებელი, რუსეთის მეცნიერებათა აკადემიის მსოფლიო ისტორიის უფროსი მეცნიერ-თანამშრომელი, მოსკოვის მ. ვ. ლომონოსოვის სახელობის სახელმწიფო უნივერსიტეტის მასწავლებელი.

ალექსეი მურავიოვის მთავარ სამეცნიერო ინტერესს წარმოადგენს ქრისტიანული აღმოსავლეთის ქვეყნების, მათ შორის საქართველოს, სომხეთის, კავკასიის ალბანეთის კულტურათა შესწავლა და კვლევა

ბიოგრაფია[რედაქტირება | წყაროს რედაქტირება]

ალექსეი მურავიოვი დაიბადა 1969 წლის 1 აგვისტოს ქალაქ მოსკოვში ცნობილი მთარგმნელისა და ლიტერატურათმცოდნის ვლადიმირ მურავიოვის ოჯახში. დაამთავრა ქ. მოსკოვის კრასნოპრესნენსკის რაიონის № 31-ე სკოლა.

1992 წელს დაამთავრა მოსკოვის სახელმწიფო უნივერსიტეტის კლასიკური ფილოლოგიის ფაკულტეტი. დაკავებული იყო აღმოსავლეთმცოდნეობითი დისციპლინებით საფრანგეთში, ინგლისსა და გერმანიაში.

ალექსეი მურავიოვი მუშაობდა ცნობილ ორიენტალისტთან მ. ვან ესბრუკთან ერთად საფრანგეთსა და გერმანიაში. 1995 წელს რუსეთის მეცნიერებათა აკადემიის მსოფლიო ისტორიის ინსტიტუტში დაიცვა დისერტაცია თემაზე „ივლიანე განდეგილი და IV—V საუკუნეების ადრებიზანტიური პოლიტიკური თეორია“ (სპეციალობა — 07.00.03) ისტორიის მეცნიერებათა დოქტორის სამეცნიერო ხარისხის მოსაპოვებლად.

მუშაობდა რუსეთის მართლმადიდებელი ავტონომიური ეკლესიის პრეს-მდივნად.

2004—2014 წლებში იყო მოსკოვის სასულიერო სასწავლებლის დირექტორის მოადგილე.

2014 წლიდან ჟურნალ „ვესტნიკ დრევნეი ისტორიი“-ს (ქართ. ძველი ისტორიის მაცნე) სარედაქციო კოლეგიის წევრი.

რუსეთის რელიგიათმცოდნეობითი ცენტრების ასოციაციის მმართველობითი საბჭოს წევრი. სირიის კვლევათა საერთაშორისო საზოგადოების წევრი (პარიზი).

2003 წლიდან — უმაღლეს კვლევათა ინსტიტუტის წევრი (პრინსტონი, აშშ).

საინტერესო ფაქტები მკვლევრის შესახებ[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]

  • Лункин, Р. Н.: Российская православная автономная церковь (РПАЦ) // Современная религиозная жизнь России. Опыт систематического описания — М.: Университетская книга, Логос, 2004. — ტომი I. — 328 გვერდი. — 2000 ეგზემპლარი. — ISBN 5-94010-237-9.

საჯარო გამოსვლები, საზოგადოებრივი ცნობადობა[რედაქტირება | წყაროს რედაქტირება]

ალექსეი მურავიოვის გამოსვლების სატელევიზიო ჩანაწერები თემების მიხედვით.

  1. "ქრისტიანული აღმოსავლეთის ცივილიზაციები"
  2. "ძველი მსოფლიოს ქრონოლოგია"
  3. "ქართული ქრისტიანობის კულტურა"
  4. "სომხური ქრისტიანობის კულტურა"
  5. "კავკასიის ალბანეთის ქრისტიანული კულტურა"
  6. "ირანულენოვანი ქრისტიანული კულტურა"
  7. "კოპტური ქრისტიანული კულტურა"
  8. "ეთიოპიური ქრისტიანული კულტურა"
  9. "ეთიოპიური ენა"
  10. "სირიის ქრისტიანული კულტურა"
  11. "სირიული ენა"
  12. "სირიის ცივილიზაცია: ხიდი დროსა და სივრცეში"
  13. "უიღურული და სირიულ-ჩინური ქრისტიანული კულტურა"
  14. "ქრისტიან არაბთა ისლამამდელი კულტურა"
  15. "ქრისტიან არაბთა კულტურა VII საუკუნის შემდეგ"
  16. "ნუბიის ქრისტიანული სამეფოს კულტურა"
  17. ლექტორიუმი "ნაცია და კულტურა"
  1. Czech National Authority Database