Steel Wheels

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Steel Wheels
სტუდიური ალბომი - როლინგ სტოუნზი
გამოცემის თარიღი 29 აგვისტო 1989
ჩაწერის თარიღი 29 მარტი - 5 მაისი 1989,
15 მაისი - 29 ივნისი 1989,
სტუდია Air, კუნძული მონსერატი
ჟანრი როკ-მუსიკა
ხანგრძლივობა 53:03
ლეიბლი Rolling Stones/Virgin
პროდიუსერი კრის კიმსი და
The Glimmer Twins
როლინგ სტოუნზი - ქრონოლოგია
Dirty Work
(1986)
Steel Wheels
(1989)
Flashpoint
(1991)
 პროფესიონალური შეფასებები
ქულები
წყარო რეიტინგი
Allmusic 3/5 stars [1]
რობერტ კრისტგოუ B− [2]
Rolling Stone 3/5 stars [3]

Steel Wheels — ჯგუფ როლინგ სტოუნზის 1989 წლის სტუდიური ალბომი. ეს ალბომი ჯგუფისათვის დაბრუნება იყო როგორც სტუდიაში, ასევე დიდ სცენაზე. კიტ რიჩარდსისა და მიკ ჯეგერის ურთიერთობების გაუმჯობესების შედეგად კოლექტივა შესძლო სტუდიაში ახალ მასალაზე მუშაობა. ალბომი უფრო ახლოს არის ჯგუფის უფრო კლასიკურ ალბომებთან. საკონცერტო ტური, რომელიც ჩაატარეს მისი გამოცემის შემდეგ, აღმოჩნდა ყველა დროის ყველაზე წარმატებული და მასშტაბური ე.წ. comeback (დაბრუნების) ტური. ჯგუფში კვლავ იყო ბილ უაიმენი, მაგრამ ეს აღმოჩნდა მისთვის უკანასკნელი სტუდიური დისკი როლინგ სტოუნზთან და საკუთარი წასვლის შემდეგ განცხადება მან 1993 წლის იანვარში გააკეთა.

ალბომი[რედაქტირება]

ალბომის Dirty Work გამოცემისა და მიკ ჯეგერის სოლო-კარიერის შემდეგ ამ უკანასკნელისა და კიტ რიჩარდსის ურთიერთობაში ბზარებმა იმატა. ორივე ეჯიბრებოდა ერთმანეთს - 1987 წელს გამოიცა ჯეგერის სოლო-დისკი Primitive Cool, ხოლო რიჩარდსმა ჩაწერა Talk is Cheap, სოლო-დებიუტი, რომელიც მხოლოდ 1988 წელს გამოვიდა. მაგრამ ფაქტი იყო, რომ ორივე იდეალურად მხოლოდ როლინგ სტოუნზის ფარგლებში მუშაობდა და შერიგება გარდაუვალი იყო.

1989 წლის იანვარში, სანამ როლინ სტოუნზი შეყვანილი იქნებოდა როლ ენ როლის დიდების დარბაზში, ჯეგერი და რიჩარდსი ერთმანეთს სტუდიაში შეხვდდნენ. სულ რამდენიმე კვირაში მათ დაწერეს არც მეტი, არც ნაკლები, 50 სიმღერა და ჯგუფის დანარჩენი წევრები მათ მხოლოდ ამის შემდეგ შეუერთდნენ. ალბომის სახელწოდება ჯერ უცნობი იყო, მაგრამ პროდიუსერის სახით დააბრუნეს კრის კიმსი, რომელმაც უკვე იმუშავა დისკზე Undercover.

ალბომი იწერებოდა მონსერატის კუნძულზე და ლონდონში, გაზაფხულის პერიოდში. Steel Wheels-ზე მიღწეული იქნა როლინგ სტოუნზისათვის დამახასიათებელი კლასიკური ჟღერადობა. რა თქმა უნდა, მიუხედავად ძველი ინსტრუმენტების გამოყენებისა, ინტეგრირებული იქნა ელექტრონული დასარტყამი ინსტრუმენტებიც (ამის ნათელი მაგალითია Terrifying).

მასიური და მასშთაბური ტური სახელწოდებით Steel Wheels გაიხსნა 1989 წლის აგვისტოში. ალბომისა და ტურის წარმატებაზე ასევე იზრუნა სინგლმა Mixed Emotions - იგი მსმენელს ნაწილობრივ მოუთხრობდა მიკისა და კიტის ურთიერთობებზე. ოფიციალურად ეს სინგლი იქცა როლინგ სტოუნზის უკანასკნელ ჰიტ სინგლად აშშ-ში, რომელიც ჩარტის #5 ადგილზე აღმოჩნდა.ბრიტანეთსა და აშშ-ში ალბომი შესაბამისად ჩარტების #2 და #3 ადგილებზე მოხვდა. ვიდეოფილმი ნიუ-იორკში ჩატარებული კონცერტის ჩანაწერით წარმოდგენილი იქნა სამგანზომილებიანი ვიდეოს სახით - თუმცა, განსხვავებით ტრადიციული სამგანზომილებიანი გამოსახულებისგან, რომელიც სამ ფერში იყო წარმოდგენილი, ეს ვიდეო ტრადიციულ ფერებში იყო გამოტანილი - საკმარისი იყო მხოლოდ სპეციალური სათვალეებით მისი ნახვა.

ეს აგრეთვე იყო როლინგ სტოუნზის პირველი ციფრული ჩანაწერი. 1994 წელს ლეიბლის Virgin Records მიერ გამოიცა მისი რემასტერინგი.

სიმღერების სია[რედაქტირება]

ყველა სიმღერის ავტორი — ჯეგერი/რიჩარდსი, გარდა აღნიშნულისა. 

მხარე 1
# სახელწოდება ხანგრძლივობა
1. Sad Sad Sad   3:35
2. Mixed Emotions   4:38
3. Terrifying   4:53
4. Hold On to Your Hat   3:32
5. Hearts for Sale   4:40
6. Blinded by Love   4:37
მხარე 2
# სახელწოდება ხანგრძლივობა
7. Rock and a Hard Place   5:25
8. Can't Be Seen   4:09
9. Almost Hear You Sigh (ჯეგერი/რიჩარდსი/სტივ ჯორდანი) 4:37
10. Continental Drift   5:14
11. Break the Spell   3:06
12. Slipping Away   4:29

რესურსები ინტერნეტში[რედაქტირება]

სქოლიო[რედაქტირება]

მოძიებულია „http://ka.wikipedia.org/w/index.php?title=Steel_Wheels&oldid=2696576“-დან