Tone Float — ჯგუფ Organisation-ის ერთადერთი სტუდიური ალბომი, რომელიც გამოვიდა გერმანიაში, 1970 წელს. ჯგუფის წევრებმა, ფლორიან შნაიდერმა და რალფ ჰიუტერმა მოგვიანებით ჩამოაყალიბეს სხვა კოლექტივი, Kraftwerk. ხშირად Tone Float ითვლება Kraftwerk-ის სადებიუტო დისკად, მით უმეტეს, რომ სტილით ახლოს არის მის ალბომთან Kraftwerk.
ბრიტანეთში გაიყიდა ალბომის მხოლოდ რამდენიმე ასლი. ძირითადად, იგი ცნობილია პროექტში Kraftwerk-ის ორი ორიგინალური წევრის, რალფ ჰიუტერისა და ფლორიან შნაიდერის მონაწილეობით. ალბომის პროდიუსერია კონრად პლანკი.
‘სტუდია განლაგებული იყო ზეთის გადამამუშავებელ ქარხანაში. როდესაც გარეთ გავდიოდით, გვესმოდა ცეცხლის ხმაური - მთელი ეს ინდუსტრიული ხმები.’
ალბომი არც თუ შთამბეჭდავად იყიდებოდა, ამიტომ ლეიბლმა RCA ჯგუფთან კონტრაქტი გააუქმა. ამის შემდეგ Organisation დაიშალა.
ოფიციალურად ალბომი არასოდეს გამოცემულა, მიუხედავად იმისა, რომ 1990-იან წლებში გამოვიდა მისი ბუტლეგური კომპაქტ-დისკები და გრამფირფიტები. მათში როგორც წესი, ასევე შედიოდა Vor dem blauen Bock - სინამდვილეში ცნობილი, როგორც Rückstoss Gondoliere, Kraftwerk მიერ ბრემული ტელეშოუს Beat-Club ეთერში გამოსვლიდან. სიმღერას ასრულებდა Kraftwerk-ის არახანგრძლივი შემადგენლობა - ფლორიან შნაიდერის, მაიკლ როთჰერისა და კლაუს დინგერის სახით. რალფ ჰიუტერი ამ პერიოდში სწავლით იყო დაკავებული.
