AC/DC

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
AC/DC
AC/DC-ს გამოსვლა 2009 წლის 31 აგვისტოს ტაკომაში: (მარცხნიდან) ბრაიან ჯონსონი, მალკოლმ იანგი, ფილ რადი, ანგუს იანგი და კლიფ უილიამსი
AC/DC-ს გამოსვლა 2009 წლის 31 აგვისტოს ტაკომაში: (მარცხნიდან) ბრაიან ჯონსონი, მალკოლმ იანგი, ფილ რადი, ანგუს იანგი და კლიფ უილიამსი
ბიოგრაფია
წარმოშობა სიდნეი, ავსტრალია
ჟანრ(ებ)ი მძიმე როკი, მძიმე მეტალი, ბლუზ როკი, როკ-ენ-როლი
აქტიური 1973–დღემდე
ლეიბლ(ებ)ი Albert, EMI, Columbia, Epic, Atlantic, Atco, Elektra, East West
ასოციაციები Geordie, The Easybeats
წევრები
ბრაიან ჯონსონი
ანგუს იანგი
მალკოლმ იანგი
კლიფ უილიამსი
ფილ რადი
ყოფილი წევრები
ბონ სკოტი
საიმონ რაიტი
კრის სლეიდი
მარკ ევანსი
დეივ ევანსი
(სრული სია)

AC/DC (ინგლ. შემოკლება alternating current/direct current — ცვლადი დენი/მუდმივი დენი) — ავსტრალიური როკ-ჯგუფი.

ჯგუფი 1973 წელს დაარსდა სიდნეიში, ავსტრალიაში. ჯგუფს გაყიდული ალბომების რეკორდული რაოდენობა აქვს: საერთო რაოდენობა 150 მილიონს აღემატება მსოფლიოს მასშტაბით, მათ შორის ყველაზე წარმატებული ალბომი Back in Black 21 მილიონ ეგზემპლარად გაიყიდა აშშ-ში და 42 მილიონ ეგზემპლარად მის საზღვრებს გარეთ. ზოგადად AC/DC ავსტრალიაში ყველაზე წარმატებული და ცნობილი როკ-ჯგუფია. ჯგუფის ისტორიაში ორი ვოკალისტი იყო, ამიტომ მას ჰყოფენ „ბონ სკოტის პერიოდად“ (1974-1981) და „ბრაიან ჯონსონის პერიოდად“ (1981-დან დღემდე).

მიუხედავად იმისა, რომ ჯგუფი მძიმე როკის ერთ-ერთი დამფუძნებელია და მრავალთა აზრით მნიშვნელოვანი გავლენა მოახდინა მძიმე მეტალზე, თავად მუსიკოსები საკუთარ თავს როკ-ენ-როლის კატეგორიას მიაკუთვნებენ. მათ მუსიკას საფუძვლად რიტმ-ენდ-ბლუზი უდევს.

ჯგუფი 1978 წლის შემდეგ კრიზისში იმყოფებოდა და ბევრი მის დაშლასაც წინასწარმეტყველებდა. 1981 წელს ჯგუფის ვოკალისტი ბონ სკოტი გარდაცვლილი იპოვეს მანქანაში. ექსპერტიზამ დაადგინა, რომ გარდაცვალების მიზეზი ასთმა და სიმთვრალე იყო. ბევრი ფიქრობდა, რომ ჯგუფი დაიშლებოდა, მაგრამ მალევე იპოვეს ვოკალისტი ბრაიან ჯონსონი, რომელიც ხმის ტემბრითაც ბონ სკოტს ჰგავდა. თუმცა ჯგუფს ისევ უმტყუნა ბედმა და 1981 წელს კონცერტი ჩაეშალა, რადგან ბრაიანს კონცერტის დაწყებამდე მცირე ხნით ადრე ბრმა ნაწლავი გაუსკდა და გადაუდებელი ოპერაცია დასჭირდა. ამის შემდეგ ჯგუფმა გამოუშვა ახალი ალბომი Back in Black (ქართ. დაბრუნება სიბნელეში), რომელმაც ჯგუფს დიდი წარმატება მოუტანა. ის არის ყველაზე წარმატებული ალბომი ჯგუფის ისტორიაში. 1981 წლის შემდეგ არც ერთი წევრი არ შეცვლილა და ჯგუფი დღემდე აქტიურია.

ისტორია[რედაქტირება]

დაარსება და სახელი[რედაქტირება]

ჯგუფის შექმნა ძმებმა, მალკოლმ და ანგუს იანგებმა გადაწყვიტეს. ანგუსი 5 წლიდან დაინტერესებულია გიტარაზე დაკვრით. ანგუსის უფროსმა ძმამ ცუდად იცოდა გიტარაზე დაკვრა და რაც იცოდა, ანგუსს გაუზიარა. ამის შემდეგ ანგუსმა გიტარის სწავლა დამოუკიდებლად განაგრძო - ის ფაქტობრივად, თვითნასწავლი გიტარისტია. მის ოჯახს არ ჰქონდა საშუალება შვილი გიტარის შემსწავლელ კურსებზე ეტარებინა, რადგან ოჯახში ცხრა და–ძმა იყო. ოჯახს თავის გატანაც კი უჭირდა, ანგუსისთვის ახალი გიტარის ყიდვაზე ლაპარაკიც კი ზედმეტი იყო. ანგუსს პატარაობიდანვე მუსიკა იზიდავდა, ხოლო მალკოლმი სპორტით იყო დაინტერესებული და ანგუსს დასცინოდა კიდეც მისი მუსიკალური ინტერესების გამო. თუმცა მან საბოლოოდ სპორტს მუსიკა არჩია და ანგუსს გიტარაზე დაკვრის სწავლა სთხოვა. 15 წლის ანგუსი, მაშინ უკვე უკრავდა როკ კლუბებში, წარმატებულ ჯგუფებთან ერთად.

ძმებმა პირველი ჯგუფი 1968 წელს შექმნეს. თუმცა ამ ჯგუფმა სახელიც და წევრებიც შეიცვალა, უცვლელი მხოლოდ ძმები იანგები დარჩნენ და 1973 წელს საბოლოოდ გამოვიდნენ AC/DC-ს სახელით.

იანგების ერთ-ერთი და მკერავი იყო. ანგუსმა მის საკერავ მანქანაზე დაინახა წარწერა AC/DC. მისი მნიშვნელობა ინგლისურად არის alternating current/direct current — ცვლადი დენი/მუდმივი დენი.

შემადგენლობა[რედაქტირება]

დისკოგრაფია[რედაქტირება]

Searchtool-80%.png მთავარი სტატია : AC/DC-ს დისკოგრაფია.

რესურსები ინტერნეტში[რედაქტირება]

Commons-logo.svg
ვიკისაწყობში? არის გვერდი თემაზე:
მოძიებულია „http://ka.wikipedia.org/w/index.php?title=AC/DC&oldid=2699069“-დან