ცვილის პალმა, ცეროქსილონი (ლათ.Ceroxylon) — პალმების გვარი. აერთიანებს 12 (ზოგი წყაროთი — დაახლოებით 20) სახეობას.[1] გავრცელებული არიან ანდების შუამთის სარტყლის ტყეებში, ზღვის დონიდან 3000 მეტრამდე, კოლუმბიიდან და ვენესუელიდანპერუსა და ბოლივიამდე. მათი ხისებრი დაუტოტავი წერწეტა „ღეროები“ სიმაღლით 30 მეტრამდეა, ზოგიერთი სახეობისა — 60 მეტრამდე; ისინი დაფარულია ცვილის მოთეთრო სქელი ფენით და მარმარილოსგან გამოქანდაკებულს ჰგვანან; ვარჯი შედგება ფრთული გრძელყუნწიანი ფოთლებისგან. ნაყოფი წითელი წვნიანი კურკიანაა. ამ გვარის ყველაზე ცნობილი სახეობებია ანდების ცვილის პალმა (C. alpinum, C. andicola) და კინდიოს ცვილის პალმა (C. quindiuense). იყენებენ ცვილის მისაღებად.[2]