მასალა ვიკიპედიიდან — თავისუფალი ენციკლოპედია
შავხელა გიბონი (ლათ. Hylobates agilis) — მაიმუნი გიბონისებრთა ოჯახისა. გავრცელებულია ინდონეზიაში (კუნძული სუმატრა), მალაიზიასა და ტაილანდში. საცხოვრებელი არეალის განადგურებისა და ბრაკონიერობის გამო, შავხელა გიბონი საფრთხეში მყოფ სახეობად არის გამოცხადებული. შეფერილნი არიან შავად და წითელ-ყავისფრად. წარბები ღია ფერისაა, მამლებს თეთრი ან ღია ნაცრისფერი ლოყები აქვთ. ისინი დედლებზე დიდები არიან. სხეულის სიგრძეა 44–63,5 სმ,[1] ხოლო წონა 4–6, საშუალოდ 5, ზოგიერთ შემთხვევაში 8 კგ-ია.[2][1] იკვებებიან ხილით, ზოგჯერ ხის ფოთლებით, ყვავილებითა და მწერებით.[2]