ფელიპე პედრელი

ფელიპე პედრელი Felip Pedrell
ფელიპე პედრელი
დაბადების თარიღი		19 თებერვალი, 1841
დაბადების ადგილი		ტორტოსა
მოღვაწეობა		კომპოზიტორი
გარდაცვალების თარიღი		19 აგვისტო, 1922
გარდაცვალების ადგილი		ბარსელონა
მოქალაქეობა		ესპანეთი

ფელიპე პედრელი (ესპ. Felip Pedrell; დ. 19 თებერვალი, 1841, ტორტოსა – გ. 19 აგვისტო, 1922, ბარსელონა), ესპანელი კომპოზიტორი, მუსიკათმცოდნე, მუსიკის კრიტიკოსი, ფოლკლორისტი და საზოგადო მოღვაწე. ესპანეთის ნატიფი ხელოვნების სამეფო აკადემიის წევრი. 1873 წლიდან მუშაობდა ბარსელონაში. 1895-1903 წლებში ასწავლიდა მადრიდის კონსერვატორიაში (მოწაფეები ისააკ ალბენისი, ენრიკე გრანადოსი, მ. ფალია). ეწეოდა საგამომცებლო საქმიანობას. პედრელის ნაშრომებმა ("ესპანური ხალხური სიმღერები") ჩაუყარა საფუძველი თანამედროვე ესპანურ მუსიკათმცოდნეობას. პედრელი ესპანური მუსიკის აღორძინების, ე.წ. რენასიმენტოს ერთ-ერთი უმთავრესი წარმომადგენელი იყო. მან დაწერა ოპერები, პროგრამული სიმფონიური თხზულებები, კანტატები და საგუნდო ნაწარმოებები ორკესტრთან ერთად, საეკლესიო მუსიკა, რომანსები და სიმღერები.

ლიტერატურა

• ქართული საბჭოთა ენციკლოპედია, ტ. 8, გვ. 10, თბ., 1984 წელი.