სუმბათაშვილების სასახლე ქვიშხეთში

სუმბათაშვილების სასახლე
ზოგადი ინფორმაცია
ქვეყანა	საქართველო
მდებარეობა	ქვიშხეთი, ხაშურის მუნიციპალიტეტი
კოორდინატები	41°58′01″ ჩ. გ. 43°30′12″ ა. გ.
მფლობელი	სურამისა და ხაშურის ეპარქია

სუმბათაშვილების სასახლე — ისტორიული შენობა ხაშურის მუნიციპალიტეტში, სოფელ ქვიშხეთში. სუმბათაშვილების სასახლე, ამჟამად სურამისა და ხაშურის ეპარქიის მღვდელმთავრის რეზიდენცია.

ქვიშხეთი ქართლის სააბაშიოს ცენტრი იყო და აბაშიძეები აქ ჯერ კიდევ XVI საუკუნეში დამკვიდრდნენ. 1711 წელს უმემკვიდრეოდ გარდაიცვალა პაატა აბაშიძე, რომლის კუთვნილი მამულიც ქართლის მეფე იესემ ვახუშტი აბაშიძეს უბოძა. სწორედ აქ, ქვიშხეთში, ქვიშხეთელ ანა აბაშიძეზე იქორწინა მეფე ერეკლე II-მ მეორედ, 1744 წელს და ამ ქორწინებიდან მას ერთი ვაჟი – ქართლ-კახეთის სამეფოს უკანასკნელი მეფე გიორგი XII და ასული თამარი ეყოლა. ანა აბაშიძე 1749 წელს გარდაიცვალა.

XIX საუკუნის 40-იანი წლებიდან ქვიშხეთში, ამ სასახლეში სუმბათაშვილები მკვიდრდებიან.

საქართველოში ბოლშევიკების შემოჭრის შემდეგ სუმბათაშვილებს კუთვნილი სასახლე ჩამოართვეს და წლების მანძილზე სოფელ ქვიშხეთის კულტურის სახლი იყო განთავსებული, რომელიც მე-20 საუკუნის მიწურულში მძიმე მდგომარეობაში იყო. 2016 წლიდან სურამისა და ხაშურის ეპისკოპოსის, მეუფე სვიმეონის (ცაკაშვილი) ხელმძღვანელობით ჩატარდა შენობის რეაბილიტაცია, სადაც სურამისა და ხაშურის ეპარქიის მღვდელმთავრის რეზიდენცია განთავსდა.

იხილეთ აგრეთვე

• სურამისა და ხაშურის ეპარქია

რესურსები ინტერნეტში

• სუმბათაშვილების სასახლის ისტორია და ადგილი, სადაც მეფე ერეკლემ ჯვარი დაიწერა დაარქივებული 2020-10-20 საიტზე Wayback Machine.