სილეთითენიზი

სილეთითენიზი
ტბა სილეთითენიზი ცენტრალურ ნაწილში. 2002 წლის რუკა
კოორდინატები: 53°20′23″ ჩ. გ. 73°10′00″ ა. გ.
მდებარეობა	ყაზახეთი
სიმაღლე ზღვის დონიდან	64 მ
ფართობი	750 კმ²
მოცულობა	1,5 კმ³
საშუალო სიღრმე	2 მ
მაქსიმალური სიღრმე	3,2 მ

სილეთითენიზი (ყაზახ. Сілетітеңіз) — გაუდინარი მწარე-მლაშე ტბა ყაზახეთში. ფართობი 750 კმ². მაქსიმალური სიღრმე 3,2 მ. მოქცეულია ვრცელი ქვაბულის ფსკერზე, ზღვის დონიდან 64 მ სიმაღლეზე. აღმოსავლეთი და ჩრდილოეთი ნაპირები მაღალი და სწორია, დასავლეთი — შეჭრილ-შემოჭრილი. ბევრია ყურე და ნახევარკუნძული. დასავლეთი და სამხრეთი დაბალი ნაპირები თანთათანობით გადადის მლაშობ ჭაობებში. საზრდოობს თოვლით. ფსკერული დანალექებიდან გვხვდება გოგირდწყალბადის გამონაყოფი. ტბას ერთვის მდინარეები სილეთი და ჟოლაქსაი.

იხილეთ აგრეთვე

• ყაზახეთის ტბების სია

რესურსები ინტერნეტში

• სილეთითენიზი — სტატია დიდი საბჭოთა ენციკლოპედიიდან (რუსული)