რეინბოუ

რეინბოუ
ბიოგრაფია
ასევე ცნობილი როგორც	Ritchie Blackmore's Rainbow Blackmore's Rainbow
წარმოშობის ადგილი	ინგლისი
ჟანრ(ებ)ი	ჰარდ როკი, ჰევი მეტალი
აქტიური	1975–1984 1994–1997
ლეიბლ(ებ)ი	Polydor, BMG
ასოციაციები	Deep Purple, Elf, Bible Black, ბლექ საბათი, Alcatrazz, Fandango, დიო, The Michael Schenker Group, Yngwie Malmsteen's Rising Force, Blackmore's Night, Over the Rainbow
წევრები
იხილეთ: შემადგენლობები

რეინბოუ (ინგლ. Rainbow; ნიშნავს ცისარტყელას) — ჰარდ როკ ჯგუფი, ჩამოყალიბდა ბრიტანეთში 1974 წელს Deep Purple-იდან წამოსულ გიტარისტ რიჩი ბლექმორის მიერ. ბლექმორი დაუკავშირდა ამერიკულ ჯგუფ ელფს, რომელიც შეერთებულ შტატებში ხსნიდა Deep Purple-ის კონცერტებს და შესთავაზა მათ ახალი ჯგუფის - რეინბოუს შექმნა.

ჯგუფის საწყისი შემადგენლობა შემდეგი იყო:

• რიჩი ბლექმორი - გიტარა
• რონი ჯეიმს დიო - ვოკალი
• მიკი ლი სოული - კლავიშებიანი ინსტრუმენტები
• კრეიგ კრაბერი - ბას გიტარა
• გარი დრისკოლი - დასარტყამი ინსტრუმენტები

მათი სადებიუტო ალბომი რიჩი ბლექმორის რეინბოუ (Ritchie Blackmore’s Rainbow) 1975 გამოვიდა და კრიტიკოსების მიერ საკმაოდ არაერთგვაროვნად იქნა შეფასებული. ერთმა ნაწილმა ისინი Deep Purple-ის უარეს ვარიანტად მიიჩნია, მეორემ კი პირიქით საინტერესო და დიდი მომავლის მქონე ჯგუფად ჩათვალა. ცხადი იყო მხოლოდ ის რომ ახლად შექმნილი ჯგუფი ცდილობდა ახალი კურსით, წაეყვანა თავისი მოღვაწეობა, რაშიც მათ ხელს უწყობდა როგორც ჯგუფის ლიდერის მიერ გიტარის ვირტუოზული ფლობა ასევე ძლიერი ვოკალისტი რონი ჯეიმს დიო და ზოგადად მათი სიმღერების აგრესიული რითმული წყობა.

ბლექმორის სურვილი, რომ ჯგუფი გაეუმჯობესებინა ჯგუფის შემადგენლობის ხშირ ცვლილებას იწვევდა, რაც პირიქით უფრო ასუსტებდა მას. პირველი ალბომის დიდი წარმატების მიუხედავად ბლექმორი უკმაყოფილო დარჩა და სრულიად შეცვალა ყველა წევრი ვოკალისტის გარდა.

განახლებულ ჯგუფში რიჩი ბლექმორმა ბას გიტარისტად ჯიმმი ბეინი მიიწვია, დასარტყამ ინსტრუმენტემზე კოზი პაუელი, ხოლო კლავიშებიან ინსტრუმენტებზე ტონი ქერი. ამ შემედგენლობით ჩაწერილი იქნა მათი ასევე ერთ-ერთი უძლიერესი ალბომი სიცარტყელის ამოსვლა (Rainbow Rising), რიშ შემდეგაც ბეინი და კერი ბობ დეიზლიმ და დევიდ სტოუნმა შეცვალეს.

რეინბოუს შეერთებულ შტატებში გადასვლის შემდეგ, ბლექმორსა და დიოს შორის დიდი უთანხმოებები წარმოიშვა, რის შედეგადაც 1978 წელს ვოკალისტმა ჯგუფი დატოვა და ბლექ საბათში გააგრძელა მოღვაწეობა, მოგვიანებით კი შექმნა საკუთარი მძიმე მეტალის ჯგუფი დიო. მისი ადგილი გრემ ბონეტმა დაიკავა, მისი მონაწილეობით ჩაიწერა მხოლოდ ერთი ალბომი დაბლა დედამიწისკენ (Down to Earth). ამ პერიოდში რეინბოუს შეუერეთდა Deep Purple-ის ბას გიტარისტი როჯერ გლოვერი და კლავიშებიანი ინსტრუმენტების პროფესიონალი დენ ეირი.

მრავალის აზრით დიოს წასვლამ არა მხოლოდ დაასუსტა რეინბოუ, არამედე მოახდინა მისი სტილისტიკის შეცვლა, ჯგუფი რითმული მძიმე როკიდან, მელოდიურ და რბილ როკზე გადავიდა. რიჩის დაჟინებით იამტა სიყვარულის თემაზე დაწერილმა სიმღერებმა და ჯგუფი მრავალი მსმენელისათვის ნაკლებად მიმზიდველი გახდა. თუმცა სწორად მათ ბოლო ალბომში „დაბლა დედამიწისკენ“ იყო პირველი ხიტ-სინგლი სანამ წასული იყავი (Since You've Been Gone), რომელმაც როგორც ბრიტანეთის ასევე აშშ-ში საკმაოდ მაღალი ადგილები დაიკავა და ჯგუფს დიდი წარმატება მოუტანა. სწორად ამ შემადგენლობით აღმოჩნდა რეინბოუ კომერციულად ყველაზე მომგებიანი და მათმა განახლებულმა სტილმა გზა გაუხსნა მელოდიური მძიმე როკის სხვა ჯრუფების მოღვაწეობას. თუმცა ამ რეორგანიზაციას ბონეტი და პაუელი შეეწირნენ, მათი ადგილები ვოკალისტმა ჯო ლინ ტერნერმა (ჯგუფ ფანდაგოს ვოკალისტმა) და ბობ რონდინელიმ დაიკავეს. ჩაწერილი იქნა კიდევ ერთი ხიტ-სინგლი გნებდები (I surender), რომელმაც ბრიტანეთში მე-3 ადგილი მოიპოვა.

წარმატებული იყო 1982 წლის ალბომიც პირდაპირ თვალებს შორის (Straight Between The Eyes), თუმცა წინა ალბომს სიძლიერით გარკვეულად ჩამორჩებოდა. ამავე წელს რონდინელის ადგილი ახალმა დრამერმა ჩაკ ბერჯიმ დაიკავა და 1983 წელს მისი მონაწილეობით მოხდა დიდ დრიტანეთში გასტროლების მოწყობა, რომელთა დამთავრების შემდეგაც ბლექმორს რაინბოუსადმი ინტერესი დაეკარგა და Deep Purple-ის ხელახლა შექმნის ინიციატივა წამოაყენა.

რეინბოუს შემოქმედების არაერთგვაროვანი შეფასების მიუხედავად, ამ ჯგუფმა წარმატებით დაიკავა ლეგედარული Deep Purple-ის ადგილი და თითქმის 10 წლის მანძილზე იყო მისი შემცვლელი ფანებისათვის.

1995 წელს ბლექმორმა იგივე სახელით რიჩი ბლექმორის რეინბოუ სრულიად ახალი ჯგუფი შექმნა, რომელმაც მხოლოდ ერთი ალბომი ჩაწერა უცნობი ყოველ ჩვენგანში (Stranger In Us All) და იმის მიუხედავად რომ ალბომი ერთ-ერთი ყველაზე წარმატებული აღმოჩნდა, ბლექმორმა კვლავ დაშალა ჯგუფი და როკს ჩამოშორდა. ის 1997 წელს დაუბრუნდა მუსიკას სრულიად განსხვავებული სტილით. ის უკრავს ბლექმორის ღამე-ში, ჯგუფში რომელიც შუასაუკუნეების სტილის მუსიკაზეა ორიენირებული, იშვიათად იყენებს გიტარას და ძირიადად კომპოზიციებს მანდოლინაზე ასრულებს. ჯგუფის სოლისტი ბლექმორის მეუღლე კენდის ნაიტია, რომელიც ჯერ კიდევ რეინბოუში ასრულებდა ბექ ვოკალისტის ფუნქციებს.

შემადგენლობები

ვოკალი:

• რონი ჯეიმს დიო: -ex- ელფი, 1977-1978 რეინბოუ, ბლექ საბათი, დიო
• გრემ ბონეტი: -ex-მარბლსი, -ex-სოლო, 1979 რეინბოუ
• ჯო ლინ ტერნერი: -ex-ფანდანგო, 1980-1983 რეინბოუ
• დუგი უაიტი: 1995 რეინბოუ

გიტარა:

• რიჩი ბლექმორი: გიტარა და ბასი 1975-1983 რეინბოუ, 1984-1994 Deep Purple, 1995 რეინბოუ, 1997 ბლექმორის ღამე

ბას გიტარა:

• კრეიგ გრუბერი: -ex-ელფი, 1975 რეინბოუ
• ჯიმი ბეინი: 1976-1977 რეინბოუ, გარეული ცხენები (WILD HORSES)
• მარკ კლარკი: -ex-კოლოსეუმი. ex-ურაია ჰიპი, 1978 რეინბოუ
• ბებ დეიზლი: -ex-ჩიკენ შაკი, ex-დამქვრივებელი(WIDOWMAKER), 1978 რეინბოუ
• როჯერ გლოვერი: ყოფილი Deep Purple, სოლო, 1979-1983 რეინბოუ, Deep Purple
• გრეგ სმიტი: 1995 რეინბოუ

კლავიშებიანი ინსტრუმენტები:

• მიკი ლი სოული: -ex-ელფი, 1975 რეინბოუ
• ტონი ქერი: 1976-1977 რეინბოუ, სოლო
• დევიდ სტოუნი: -ex-სიმფონიური მოჯახუნება, 1978 რეინბოუ
• დონ ეილი: -ex-კოლოსეუმი 2, 1979-1981 რეინბოუ, მოღვაწეობს ოზი ოზბურნთან
• დევიდ როზენტალი: 1982-1983 რეინბოუ
• პოლ მორისი: 1995 რეინბოუ

დასარტყამი ინსტრუმენტები:

• გარი დრისკოლი: -ex-ელფ, 1975 რეინბოუ
• ქოზი პაუელი: 1976-1979 რეინბოუ
• ბობი რონდინელი: 1980-1982 რეინბოუ
• ჩაკ ბერგი: -ex-ბრენდ იქსი, 1983 რეინბოუ
• ჯონ ო რეილი: 1995 რეინბოუ

ქრონოლოგია

• გ - გიტარა
• ვ - ვოკალი
• ბ.ვ. - ბექ ვოკალი
• დ - დასარტყმელი საკრავები
• რ.გ. - რიტმული გიტარა
• კ - კლავიშიანი ინსტრუმენტები
• ა - სტუდიური ალბომები

დისკოგრაფია

სტუდიური ალბომები

• Ritchie Blackmore's Rainbow (1975)
• Rising (1976)
• Long Live Rock 'n' Roll (1978)
• Down to Earth (1979)
• Difficult to Cure (1981)
• Straight Between the Eyes (1982)
• Bent Out of Shape (1983)
• Stranger in Us All (1995)

იხილეთ აგრეთვე

• ელფი
• დიო
• Deep Purple
• ბლექ საბათი

რესურსები ინტერნეტში

ვიკისაწყობში^? არის გვერდი თემაზე:

რეინბოუ

• The Rainbow Fanclan Legacy
• რეინბოუ საიტზე Allmusic