რაულ ჰაუსმანი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
რაულ ჰაუსმანი
{{{მშობსახელი}}}
დაიბადა: 12 ივლისი, 1886
ვენა, ავსტრია
გარდაიცვალა: 1 თებერვალი, 1971
ლიმოჟი, საფრანგეთი
ეროვნება: ავსტრიელი
სფერო: კოლაჟი
ფოტოგრაფია
სკულპტურა
მწერალი
მიმდინარეობა: დადაიზმი
ცნობილი ნამუშევრები: „მექანიკური თავი“ ანუ „ჩვენი დროის სული“

რაულ ჰაუსმანი (გერმ. Raoul Hausmann; დ. 12 ივლისი, 1886 — გ. 1 თებერვალი, 1971) — ავსტრიელი ხელოვანი და მწერალი. დადაიზმის ერთ-ერთი საკვანძო ფიგურა. მისმა ექსპერიმენტულმა ფოტოგრაფიულმა კოლაჟმა, ხმოვანმა პოეზიამ და ინსტიტუციონალურმა კრიტიკამ დიდი გავლენა მოახდინა პირველი მსოფლიო ომის შემდეგ ევროპულ ავანგარდიზმზე.

დაიბადა ავსტრიის ქალაქ ვენაში. 1901 წელს 14 წლის ასაკში მშობლებთან ერთად საცხოვრებლად ქალაქ ბერლინში გადავიდა. ადრეული განათლება ხელოვნებაში მამამისისგან მიიღო, რომელიც პროფესიონალი კონსერვატორი და მხატვარი იყო. 1905 წელს შეხვდა დადაიზმის ექსცენტრულ არქიტექტორ იოჰანეს ბაადერს. დაახლოებით იმავე პერიოდში ხვდება მევიოლინე ელფრიდე შეფერს, რომელზედაც მან იქორწინა 1908 წელს. ერთი წლის შემდეგ შეეძინათ ქალიშვილი ვერა. 1908 წელს ჩააბარა ხელოვანთა სკოლაში ქალაქ ბერლინში, სადაც 1911 წლამდე დარჩა.

აქტიურ მონაწილეობას ღებულობდა თანამედროვე ხელოვნების პრობლემების საკითხების გადაჭრაში. ხშირად გვევლინებოდა როგორც თეორეტიკოსი და ხელოვნების კრიტიკოსი. 1918 წელს ი. ბაადერთან და რიხტერთან ერთად დააარსა ბერლინური „დადას კლუბი“ და მისი ბეჭდითი ორგანო დადა. ფაშიზმის პერიოდში ემიგრირებული იყო. მისი ცნობილი ნამუშევრებიდან აღსანიშანვია: „მექანიკური თავი“ ანუ „ჩვენი დროის სული“ (დაახლ. 1919-1920 წწ).

რესურსები ინტერნეტში[რედაქტირება]

ლიტერატურა[რედაქტირება]

  • Hausmann R. Courrier Dada. Paris, 1958;
  • Giroud M. Raoul Hausmann: „Je ne suis pas un photographe“. Paris, 1975;
  • Benton T. Raoul Hausmann and Berlin Dada. Ann Arbor, 1987.