ლიმონის პროვინცია

ლიმონის პროვინცია (ესპ. Provincia de Limón) — პროვინცია კოსტა-რიკაში. მოიცავს 9 189 კმ²–ს,^[1] მოსახლეობა 386 862 ადამიანს შეადგენს (2011 წ).^[2]

პროვინციის უდიდესი ნაწილი მდებარეობს კარიბის ზღვის სანაპირო დაბლობში. სამხრეთ-დასავლეთი ნაწილი კორდილიერა-დე-ტალამანკის მთების ვრცელ ქედს უჭირავს. ჩრდილოეთით ესაზღვრება ნიკარაგუა, რომელთან საზღვარიც მდინარე სან-ხუანზე გაივლის, დასავლეთით — ერედიის, კარტაგოსა და პუნტარენასის პროვინციები, სამხრეთ-დასავლეთით — პანამა, მასთან საზღვარი მდინარე სიკსაოლაზე გაივლის. პროვინცია დაყოფილია ექვს კანტონად. დედაქალაქია პუერტო-ლიმონი.

ლიმონი კოსტა-რიკის კულტურულად ერთ-ერთი ყველაზე მრავალფეროვანი პროვინციაა, აქ სახლობს დიდი რაოდენობის აფრო-კარიბელი და ადგილობრივი.

სექციების სია