კვირიონი

კვირიონი (Merops), ფრინველთა ქვერიგი ყაპყაპისნაირთა რიგისა. შეიცავს 1 ოჯახის 7 გვარსა და 25 სახეობას. სხეულის სიგრძე 30სმ აღწევს, მასა 50გ. აქვთ გრძელი, ქვემოთკენ ნისკარტი, მოკლე ფეხები. გავრცელებულია სამხრეთ ევროპაში, აზიაში, ჩრდილოეთ აფრიკასა და მაგადასკარზე, ავსტრალიაში. საქართველოში ბუდობს ოქროსფერი კვირიონი (Merops apiaster) და მწვანე კვირიონი(Merops superciliosus) შემომფრენია. კვირიონები ბინადრობენ ღია ადგილებში. ბუდობენ კოლონიებად. დედალი დებს 6-8 კვერცხს, კრუხობს 18-20 დღე. იკვებებიან მწერებით, რომელსაც იჭერენ ჰაერში. ფუტკრების განადგურებით ზიანს აყენებენ მეფუტკრეობას.

ლიტერატურა

• ჟორდანია რ., ქსე, ტ. 5, გვ. 500, თბ., 1980