კვარტბლოკი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
კუთხის კვარტბლოკი, ისრაელი, 1948.

კვარტბლოკი (ლათ. quartus, ოთხიანი + ბლოკი) ეწოდება ფილატელისტურ საკოლექციო ერთეულს, რომელიც წარმოადგენს ოთხი ერთნაირიმარკის ორ რიგად და ორ მწკირვად (2×2) განლაგებული გადაბმას. კვარტბლოკი შეიძლება განვიხილოთ, როგორც ბლოკი ველების გარეშე ან როგორც ფურცლის ნაწილი. კვარტბლოკი შეიძლება დეფისით იყოს დაწერილი - კვარტ-ბლოკი. კვარტბლოკისა და მისი ანალოგებისათვის დამახასიათებელია კიდეებზე სტამბიდან შეძენილი ნიშნები (საბეჭდი ფირფიტის ნომრების ან სეიების აღმნიშვნელი ციფრები, ასოები და ა.შ.). ასეთ გადაბმებს ინგლისურ ენზე (ინგლ. plate block) ანუ სტამბის ბლოკი ეწოდებათ.

აღწერა[რედაქტირება]

კუთხის კვარტბლოკი, აშშ, 1952, სკოტი#1015
კიდიანი სამმარკა ბლოკი, აშშ, 1895.
სტანდარტული მარკის უკიდო კვარტბლოკი, რუსეთი,1902

მარკების განლაგების მიხედვით კვარტბლოკი შეიძლება იყოს:

  • კუთხის, ბლოკი ამოღებულია ფურცლის კუთხიდან და ორი მხრიდან აქვს ფურცლის კიდეები შერჩენილი (იხ. სურათი). აქედან გამომდინარე, ერთი ფურცლიდან შესაძლებელია გამოვიდეს 4 კვარტბლოკი.
  • კიდიანი, ბლოკის მხოლოდ ერთ მხარეზე ფურცლის კიდე შერჩენილი[1].
  • უკიდო, ბლოკს არც ერთ მხარეზე არ აქვს ფურცლის კიდე.

ანალოგები[რედაქტირება]

კვარტბლოკის ანალოგებია[2]:

  • სამმარკა ბლოკი - 3 მარკიანო ბლოკი (ერთ რიგად განლაგებული მარკებით);
  • ექვსმარკა ბლოკი - 6 მარკიანი ფურცელი (2×3 მარკების განლაგებით);
  • რვამარკა ბლოკი - 8 მარკიანი ფურცელი (4×4 მარკების განლაგებით);
  • ცხრამარკა ბლოკი - 9 მარკიანი ფურცელი (3×3 მარკების განლაგებით);
  • ათმარკა ბლოკი - 10 მარკიანი ფურცელი (2×5 მარკების განლაგებით) და ა.შ.

კოლექცია[რედაქტირება]

კვარტბლოკი გავრცელებული ფილატელისტური ფორმაა . ფილატელისტები მას განიხილავენ, როგორც ცალკე ფილატელისტურ ერთეულს. ერთი ფურცლისაგან მიღებული კვარტბლოკები შეიძლება განსხვავებულად საინტერესო იყოს კოლექციონერისათვის, მაგალითად, ფურცლის კიდეზე შეიძლება განთავსებული იყოს ფილიგრანი, საფოსტო, ტექნიკური ან ტიპოგრაფიული წარწერა ან რაიმე აღნიშვნა

ფილატელისტების ინტერესი კვარტბლოკისადმი განპირობებულია შემდეგით:

  • კვარტბლოკი ყველაზე მცირე ზოის ფურცელია
  • კარგად ჩანს დაკბილვის ან პერფორაციის თავისებურება
  • მარკის ნამდვილობის დადასტურების პრაქტიკულად 100%-იანი გარანტია არსებობს

მხატვრული ლიტერატურა[რედაქტირება]

«ვარდისფერი მერკურის» იშვიათი კვარტბლოკის შესახებ ნაამბობია ჩეხოსლოვაკიელი მწერლის ფ. ლანგერის (1888—1965) ამავე სახელწოდების წიგნში [3].

იხილეთ აგრეთვე[რედაქტირება]

ლიტერატურა[რედაქტირება]

სქოლიო[რედაქტირება]

  1. «Большой филателистический словарь», с полем (1988).
  2. კვარტბლოკის ანალოგები: - ექვსმარკა ბლოკი (шестиблок), რვამარკა ბლოკი (восьмиблок) და ათმარკა ბლოკი (десятиблок).
  3. (რუსული) Лангер Ф. Розовый Меркурий. О чём рассказали марки. 1969. с.224 Кварт-блок розовых Меркуриев