ერწახვი
ვიკიპედიიდან, თავისუფალი ქართულენოვანი ენციკლოპედიიდან
| ერწახვი | |
| სიმაღლე |
3910 მ |
|---|---|
| მდებარეობა | |
| ქედი | |
ერწახვი, ერცოგი — მწვერვალი აფხაზეთის კავკასიონის მთავარ წყალგამყოფ ქედზე, მდინარე აქსაუთის (ყუბანის სისტემა) სათავეებში, სიმაღლე 3910 მ. აგებულია კამბრიულისწინა და ქვედაპალეოზოური კრისტალური ფიქლებით. ჩრდილოეთი კალთა დამრეცია, სამხრეთი – ციცაბო. ერწახვის სამხრეთი კალთის 2 მყინვარი ასაზრდოებს მდინარე ჩხალთის მარცხენა შენაკადებს. დამახასიათებელია სუბნივალური და ნივალური ლანდშაფტი.
[რედაქტირება] ლიტერატურა
- ძიძიგური ი., ქართული საბჭოთა ენციკლოპედია, ტ. 4, გვ. 210, თბ., 1979 წელი.
