ემანუელ სენიე

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ემანუელ სენიე
Emmanuelle Seigner
Emmanuelle Seigner Cannes 2013 2.jpg
ემანუელ სენიე 2013 წელს
დაბ. სახელი ემანუელ სენიე
დაბ. ადგილი პარიზი, საფრანგეთი
დაბ. თარიღი 22 ივნისი 1966
საქმიანობა მსახიობი
მოდელი
მომღერალი
წლები 1984-დღემდე
მეუღლე(ები) რომან პოლანსკი (1989-დღემდე)
საცხოვრებელი ადგილი დროშა: საფრანგეთი საფრანგეთი

ემანუელ სენიე (ფრანგ. Emmanuelle Seigner; დ. 22 ივნისი, 1966, პარიზი) — ფრანგი კინომსახიობი, მოდელი და მომღერალი. ცნობილი ფრანგი მსახიობის ლუის სანიეს შვილიშვილი, მსახიობ მატილდა სენიეს ალალი და და ცნობილი პოლონელი კინორეჟისორის რომან პოლანსკის მეუღლეა. ემანუელ სენიე ორჯერ იყო ნომინირებული სეზარის პრემიაზე.

ბიოგრაფია[რედაქტირება]

ემანუელ სენიე დაიბადა ცნობილი ფოტოგრაფისა და ჟურნალისტის ოჯახში. 14 წლიდან დაიწყო სამოდელო კარიერა და სულ მალე, საკუთარი გარეგნობის ხარჯზე მოიპოვა საყოველთაო პოპულარობა. მისი ფოტოსურათები მრავალი ჟურნალის გარეკანზე გამოქვეყნდა. სენიეს დებიუტი კინოში შედგა 1984 წელს ფილმში „მედუზების წელი“. 1985 წელს ჟან-ლუკ გოდარმა სენიე გადაიღო ფილმში „დეტექტივი“, სადაც მასთან ერთად ითამაშა ჯონი ჰოლიდეიმ და ნატალი ბაიმ.

1988 წელს რომან პოლანსკიმ გადაიღო ცნობილი დეტექტიური თრილერი „მოუთვინიერებელი“, სადაც მთავარი როლი ჰარისონ ფორდმა შეასრულა. ამ ფილმში ეპიზოდში თამაში ხვდა წილად ემანუელ სენიესაც. 1992 წელს პოლანსკიმ ისევ გადაიღო თავის ფილმში სენიე, ამჯერად ფილმში „სასტიკი მთვარე“. მნიშვნელოვანი იყო ასევე მისტიკური ფილმი „მეცხრე კარიბჭე“, სადაც მთავარი როლი ჯონი დეპმა (დინ კორსო) შეასრულა. სენიე საკუთარ ამპლუას არ ღალატობს და ასრულებს იდუმალებით მოცული ქალის როლს, რომელიც ფილმის მთავარი გმირის (დინ კორსოს) თანამგზავრია. ფილმი მეტად ცნობილი გახდა მსოფლიოს მრავალ ქვეყანაში. 2007 წელს ითამაშა ფილმებში „ცხოვრება ვარდისფერ ფერებში“ და „სკაფანდრი და პეპელა“, ხოლო 2010 წელს ფილმში „გარდაუვალი მკვლელობა“.

ფილმოგრაფია[რედაქტირება]

წელი ქართულად მშობლიური სახელწოდება როლი
1984 მედუზების წელი L'Année des méduses ეპიზოდური როლი
1986 დეტექტივი Détective ბაჰამის პრინცესა
1986 კერძო გაკვეთილები Cours privé ზენონი
1988 მოუთვინიერებელი Frantic მიშელი
1990 უცნაური ავადმყოფობა Il male oscuro ჯუზეპეს ცოლი
1992 სასტიკი მთვარე Lunes de fiel მიმი
1994 ღიმილი Le Sourire ოდილი
1997 ნირვანა Nirvana ლიზა
1998 ვანდომის მოედანი Place Vendôme ნატალი
1999 მეცხრე კარიბჭე La Neuvième Porte გოგო
2003 სხეულების გამტაცებელი Corps à corps ლაურა ბარტელი
2003 უკვდავები Os Imortais მადლენ დიურანი
2005 უკანა პლანი Backstage ლორენი
2007 ოთხი ბოლო სიმღერა Four Last Songs ჰელენა
2007 ცხოვრება ვარდისფერ ფერებში La Môme ტიტინი
2007 სკაფანდრი და პეპელა Le Scaphandre et le Papillon სელინა დემულენი
2009 კოდი იცვლება Le Code a Changé სარა მატეი
2009 ჯალო Giallo ლინდა
2010 გარდაუვალი მკვლელობა Essential Killing მარგარეტი
2012 სახლში Dans la maison ესტერ არტოლი
2013 ვენერა ბეწვეულში La Vénus à la fourrure ვანდა

რესურსები ინტერნეტში[რედაქტირება]

Commons-logo.svg
ვიკისაწყობში? არის გვერდი თემაზე: