დორდონი (მდინარე)

დორდონი
დახასიათება
სიგრძე	483 კმ
აუზის ფართობი	23,870 კმ²
წყლის ნაკადი
სათავე	ცენტრალური მასივი
კოორდინატები	45.538333,2.81916745°32′18″ ჩ. გ. 2°49′09″ ა. გ.
ჩაედინება	გარონა
ქალაქები	ბერჟერაკი ლიბურნი.

დორდონი (ფრანგ. Dordogne) — მდინარე სამხრეთ-დასავლეთ საფრანგეთში. მდინარე გარონის მარჯვენა შენაკადი, რომელთანაც ერთად ქმნის საერთო შესართავს — ჟირონდის ესტუარს. სიგრძე 483 კმ, აუზის ფართობი 23,870 კმ². სათავე აქვს მონ-დორის მასივის ჩრდილოეთ ნაწილში, ზღვის დონიდან 1720 მ სიმაღლეზე. ზემო და შუა დინებაში ჭრის საფრანგეთის ცენტრალურ მასივს, ქვემოთში გამოდის — გარონის დაბლობზე. გაზაფხულზე და შემოდგომაზე დამახასიათებელია წყალდიდობა, ზამთარში წვიმებით გამოწვეული წყალმოვარდნა, ზაფხულში — წყალმცირობა. წყლის საშუალო ხარჯი 190 მ³/წმ. მთავარი შენაკადებია ვეზერი და ილი. ქვემო დინებაში შეინიშნება ზღვიური მოქცევები. დორდონის აუზში არის ჰიდროელექტროსადგურები. სანაოსნოა. ნაპირებზე გაშენებულია ქალაქები: ბერჟერაკი, ლიბურნი.

რესურსები ინტერნეტში

• დორდონი – დიდი საბჭოთა ენციკლოპედია (რუსული)
• დორდონი – ენციკლოპედია ბრიტანიკა (ინგლისური)