გიორგი სიორიძე

გიორგი სიორიძე (დ. 4 თებერვალი, 1911, ბათუმი — გ. 25 ოქტომბერი, 1989) — ქართველი მეტალურგი, საქართველოს სსრ დამსახურებული ინჟინერი (1962).

ბიოგრაფია

დაამთავრა ამიერკავკასიის სამთო-მეტალურგიული ინსტიტუტი 1932 წელს. 1933-1974 წლებში მუშაობდა ზესტაფონის ფეროშენადნობთა ქარხანაში ცვლის უფროსად, საამქროს უფროსად, მთავარ ინჟინრად. მისი მონაწილეობით დაინერგა აგრეთვე ლითონური ქრომის მიღების მეთოდები და საქართველოში სილიკატური აგურის წარმოების პროცესი. მეტალურგი. მიღებული აქვს სახელმწიფო ჯილდოები. დაკრძალულია ბათუმის საქალაქო სასაფლაოზე.

ლიტერატურა

• ქართული საბჭოთა ენციკლოპედია, ტ. 9, თბ., 1985. — გვ. 380.

რესურსები ინტერნეტში

• გიორგი სიორიძე — საქართველოს ბიოგრაფიული ლექსიკონი