გველთავა (გვარი)

გველთავა (Ophisops), ქვეწარმავლების გვარი ხვლიკისებრთა ოჯახისა. აქვს ერთმანეთს შეზრდილი, გამჭირვალე ქუთუთოები, რომლებიც ერთგვარ „სარკმელს“ ქმნიან. გავრცელებულია ჩრდილოეთ აფრიკაში, სამხრეთ-აღმოსავლეთ ევროპაში, აზიაში. გვარში 5 სახეობაა, რომელთაგან აღმოსავლეთ საქართველოში, აზერბაიჯანში, სომხეთში გვხვდება ერთი - კოხტა გველთავა (Ophisops elegans). იკვებება მწერებითა და მათი მატლებით, აგრეთვე ობობებით.

ლიტერატურა

• ქსე, ტ. 3, გვ. 139, თბ., 1978