გვადალკვივირი

გვადალკვივირი
გვადალკვივირის აუზი
დახასიათება
სიგრძე	657 კმ
აუზის ფართობი	57 კმ²
წყლის ნაკადი
სათავე	ანდალუსიის მთები ესპანეთი
ჩაედინება	ატლანტის ოკეანე
ქვეყნები	ესპანეთი
ქალაქები	კორდობა სევილია

გვადალკვივირი (ესპ. Guadalquivir) — მდინარე სამხრეთ ესპანეთში. სიგრძე 657 კილომეტრი, აუზის ფართობი 57 ათასი კმ². სათავე აქვს ანდალუსიის მთების ჩრდილოეთით. მიედინება ანდალუსიის დაბლობზე. კალაპოტის სიგანე ქალაქებს სევილიასა და კორდოვას შორის 150-200 მეტრი. სევილიის ქვემოთ ბრტყელ სანაპირო დაბლობზე მიედინება და იტოტება. ვიდრე კადისის ყურეს (ატლანტის ოკეანე) შეუერთდებოდეს, კვლავ ერთ კალაპოტში ექცევა და 7 კილომეტრი სიგანის ესტუარს ქმნის. მთავარი შენაკადებია, მარცხნიდან:პატარა გვადიანა, ხენილი. მარჯვნიდან გუადალიმარი, უელვა. საზრდოობს ძირითადად წვიმის წყლით. წყალდიდობა იცის თებერვალ-მარტში. წყლის საშუალო ხარჯი 164 მ³/წმ. სანაოსნოა ქალაქ კორდოვამდე, ქალაქ სევილიამდე ზღვის გემებისათვის (მოქცევის დროს). იყენებენ სარწყავად.

მდინარე გვადალკვივირი კორდობასთან

რესურსები ინტერნეტში

• გვადალკვივირი, ენციკლოპედია ბრიტანიკა
• More information from the United Nations Environmental Program.