ანრი ფილიპ პეტენი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ანრი ფილიპ პეტენი

ანრი ფილიპ პეტენი (ფრანგ. Henri Philippe Pétain; დ. 24 აპრილი, 1856, კოში-ა-ლა-ტური, პა-დე-კალე ― გ. 23 ივლისი, 1951, პორ-ჟუენვილი, ილ-დ-იე, ვანდეა), საფრანგეთის სამხედრო და პოლიტიკური მოღვაწე, მარშალი (1918). პირველ მსოფლიო ომში (1914-18) გენერლის ჩინით სარდლობდა ქვეითი ჯარის ბრიგადას, შემდეგ საარმიო კორპუსს, ხოლო 1915 წლის ივნისიდან 1916 წლის აპრილამდე – საფრანგეთის მე-2 არმიას. 1917 წლის მაისში დაინიშნა საფრანგეთის არმიის მთავარსარდლად. 1920-31 წლებში ეკავა უმაღლესი სამედრო თანამდებობები, 1925-26 წლებში სარდლობდა არმიას, რომელიც იბრძოდა მაროკოში ეროვნულ-განმათავისუფლებელი მოძრაობის ჩასახშობად. 1934 წელს სამხედრო მინისტრი. 1939-40 წლებში საფრანგეთის ელჩი ფრანკისტულ ესპანეთში. 1940 წლის 16 ივნისიდან პრემიერ-მინისტრი, 22 ივნისს ხელი მოაწერა კომპიენის დროებით ზავს ფაშისტურ გერმანიასთან. 1940 წლის ივლისიდან 1944 წლის აგვისტომდე "ვიშის" ფაშისტური რეჟიმის მეთაური, 1945 წლის აგვისტოში უმაღლესმა სასამართლომ სიკვდილი მიუსაჯა (შეუცვალეს სამუდამო კატორღით).

ლიტერატურა[რედაქტირება]

Commons-logo.svg
ვიკისაწყობში? არის გვერდი თემაზე: