ვალე-დე-ლა-პასკუა

From ვიკიპედია
Jump to navigation Jump to search
ქალაქი
ვალე-დე-ლა-პასკუა
Valle de la Pascua
ქვეყანა ვენესუელის დროშა ვენესუელა
შტატი (ვენესუელა)|ვენესუელის შტატები|შტატი გუარიკო
კოორდინატები 9°12′14″ ჩ. გ. 66°00′28″ დ. გ. / 9.20389° ჩ. გ. 66.00778° დ. გ. / 9.20389; -66.00778
დაარსდა 25 თებერვალი 1785
ცენტრის სიმაღლე 125
მოსახლეობა 86.000 კაცი (2001)
სატელეფონო კოდი 235
საფოსტო ინდექსი 2350
ოფიციალური საიტი lomejordelapascua.com
ვალე-დე-ლა-პასკუა — ვენესუელა
ვალე-დე-ლა-პასკუა

ვალე-დე-ლა-პასკუა (ესპ. Valle de la Pascua) — ქალაქი ჩრდილოეთ ვენესუელაში, გუარიკოს შტატში. მდებარეობს ბორცვზე, ზღვის დონიდან 125 მ სიმაღლეზე. 2001 წლის აღწერის მონაცემებით ქალაქის მოსახლეობა შეადგენს 86.000 კაცს.[1] ეკონომიკური თვალსაზრისით გუარიკოს შტატის მნიშვნელოვანი ცენტრია. ამრავლებენ საქონელს.

დაარსდა XVII საუკუნეში. ირგვლივ განვითარებული გეოგრაფიული აღნაგობის გამო ქალაქის რელიეფი ტალღოვანი და დაბალია. გარშემო ტერიტორიები მხოლოდ დაბლობია, რელიეფი არ არის გართულებული შემაღლებებით. ჰაერის საშუალო ტემპერატურა უდრის 25,3°С-ს. ქალაქის მიმდებარე ტერიტორიაზე განვითარებულია მდინარეთა ქსელი. არის ტბებიც.

დიდი კოლუმბიის ტერიტორიული შეთანხმების ხარჯზე, 1824 წლის 25 ივნისიდან კარაკასის პროვინცია (ვენესუელის დეპარტამენტი) დაიყო 12 კანტონად. ვალე-დე-ლა-პასკუა შეუერთეს ჩაგუარამასის კანტონს. 1848 წელს პრეზიდენტ ხოსე ტადეო მონაგასის ბრძანებით, კარაკასის ოლქი ხელახლა დაიყო, ამჯერად ოთხ კანტონად და 27 ოლქად. ვალე-დე-ლა-პასკუა კანტონის დედაქალაქ ჩაგუარამასთან (და ასევე სხვა ოლქებთან ერთად) მოათავსეს ჩაგუარამასის კანტონის შემადგენლობაში. 1853 წელს ჩაგუარამასის კანტონი დაიყო ორ ნაწილად: ჩაგუარამასი და უნარე. ჩაგუარამასის კანტონში რჩებოდნენ ქალაქები ჩაგუარამასი, ვალე-დე-ლა-პასკუა, ესპინო, კაბრუტა და სხვ.[2]

ვალე-დე-ლა-პასკუა ავტომაგისტრალთან ახლოს მდებარეობს, რომლის მეშვეობით დაკავშირებულია ქალაქ ვალენსიასთან.

იხილეთ აგრეთვე[edit | edit source]

რესურსები ინტერნეტში[edit | edit source]

სქოლიო[edit | edit source]

  1. Venezuela - City Population - Cities, Towns & Provinces - Statistics & Map. Citypopulation.de. ციტირების თარიღი: 2008-08-17.
  2. Peter F Anson Bishops at Large (London, 1964)