ცისფერი ტბა (ხორვატია)
| ცისფერი ტბა | |
|---|---|
 ცისფერი ტბა | |
| კოორდინატები: 43°27′01″ ჩ. გ. 17°12′38″ ა. გ. / 43.45028° ჩ. გ. 17.21056° ა. გ. | |
| მდებარეობა |  ხორვატია
|
| სიმაღლე ზღვის დონიდან | 386–538 მ |
| სიგრძე | 0,8 კმ |
| სიგანე | 0,25–0,4 კმ |
| ფართობი | 0,4 კმ² |
| მაქსიმალური სიღრმე | 90 მ |
  | |
ცისფერი ტბა (ხორ. Modro jezero ან Plavo jezero) — კარსტული ტბა სამხრეთ ხორვატიაში, ქალაქ იმოტსკისთან. სიახლოვეს მდებარე წითელ ტბასთან ერთად უკავია ღრმა კარსტული ძაბრი, რომელიც ჩამოყალიბდა მიწისქვეშა მღვიმის ჩამონგრევის შედეგად.[1] ზედაპირის ფართობი 0,4 კმ², სიგრძე 800 მ, სიგანე 500 მ. თუმცა ეს მონაცემები წყლის დონის შესაბამისად იცვლება. საერთო სიღრმე ზედა კუთხიდან დაახლოებით 220 მ-ია. წყლის სიღრმე იცვლება წელიწადის დროების შესაბამისად. მტკნარწყლიანია. გაზაფხულზე, გარემომცველ მთებში თოვლის დნობისას, მისი სიღრმე 90 მ-ს აღწევს. 1914 წელს წყალმა აიწია 114 მ-მდე და ჩაძირა ძაბრის სამხრეთი კიდე. ზაფხულის ბოლოს ტბა ზოგჯერ მთლიანად შრება.[2] 1907 წელს აშენდა ტბისკენ მიმავალი გზა. 1942 წელს მიწისძვრამ გამოიწვია დიდი მეწყერი, რის შედეგადაც ტბის სიღრმე შემცირდა. ცისფერი ტბა პოპულარული ტურისტული და ექსკურსიული ობიექტია.[3]