ტარიელ შარიფაშვილი
ტარიელ ვალერიანის ძე შარიფაშვილი (დ. 20 დეკემბერი, 1960, სოფ. ზემო ხანდაკი, ახლანდ. კასპის მუნიციპალიტეტი, — გ. 25 სექტემბერი, 1993, სოხუმი) — ქართველი სამხედრო მეთაური, აფხაზეთის ომის (1992-1993) მონაწილე.
1992–1993 წლებში იყო კასპის რაიონის (ახლანდ. კასპის მუნიციპალიტეტი) გამგებელი. აფხაზეთში საბრძოლო მოქმედებების დროს მეთაურობდა ძირითადად მოხალისეებისგან დაკომპლექტებულ ეროვნული გვარდიის კასპის ბატალიონს; ჰქონდა პოლკოვნიკის წოდება. დაიღუპა 1993 წლის სექტემბერში სოხუმისთვის უკანასკნელი ბრძოლების დროს ქალაქის სადგურის მიდამოებში. გარდაცვალების შემდეგ დაჯილდოებულია ვახტანგ გორგასლის I ხარისხის ორდენით. შარიფაშვილის სახელი ეწოდა ზემო ხანდაკის საჯარო სკოლას, რომლის ეზოშიც დგას მისი ბიუსტი.[1] მისი სახელობის სკვერი და ბიუსტი არის ასევე ქ. კასპში.[2]
სქოლიო[რედაქტირება | წყაროს რედაქტირება]
- ↑ დღეს ტარიელ შარიფაშვილის გარდაცვალების დღეა, საინფორმაციო-ანალიტიკური პორტალი „კვირა“, 25/09/2017.
- ↑ კასპში ტარიელ შარიფაშვილის სახელობის სკვერი გაიხსნა. ინტერპრესნიუსი. 20 დეკემბერი, 2018.
|
ეს არის სტატიის ან სექციის ესკიზი. თქვენ შეგიძლიათ შეავსოთ იგი. |