როდნა

როდნა
მთა პიეტროსი
კოორდინატები: 47°32′17″ ჩ. გ. 24°41′50″ ა. გ.
ქვეყანა	რუმინეთი
უმაღლესი წერტილი	პიეტროსი
სიმაღლე	2305 მ
სიგრძე	50 კმ

როდნა (რუმ. Munții Rodnei) — მთის მასივი კარპატებში. აღმოსავლეთი კარპატების უმაღლესი ნაწილი. ვრცელდება რუმინეთის ჩრდილოეთით, უკრაინის სახელმწიფო საზღვართან. დასავლეთიდან აღმოსავლეთისაკენ გადაჭიმულია დაახლოებით 50 კმ-ზე. უმაღლესი მწვერვალის სიმაღლეა 2305 მ (მთა პიეტროსი). აგებულია გრანიტებითა და კრისტალური ქანებით, დასავლეთი ნაწილი — ფლიშით. თხემური ნაწილი ატარებს ძველი გამყინვარების კვალს. მთებში გავრცელებულია პირიტის საბადოები, აგრეთვე მოიპოვება მინერალური წყაროები. ფერდობები, ზღვის დონიდან 1500 მ-მდე შემოსილია წიფელითა და წიწვოვანი ტყით; უფრო მაღლა არის მდელოები და ბუჩქნარები. ზაფხულში, ალპური მდელოები გამოყენებულია საძოვრებად. უფრო ქვემოთ ხდება ხე-ტყის დამზადება. მასივის გარკვეული ნაწილი უკავია ეროვნულ პარკსა და ბიოსფერულ რეზერვატს. განვითარებულია ტურიზმი.

რესურსები ინტერნეტში

• როდნა — სტატია დიდი საბჭოთა ენციკლოპედიიდან (რუსული)