კენია (მთა)
| კენია | |
|---|---|
| |
| კოორდინატები: 00°09′00″ ს. გ. 37°18′00″ ა. გ. / 0.15000° ს. გ. 37.30000° ა. გ. | |
| ქვეყანა |  კენია
|
| სიმაღლე | 5199 მ |
| შეფარდებითი სიმაღლე | 3825 მ |
| იზოლაცია | 323 კმ |
| ტიპი | სტრატოვულკანი |
| პირველი ასვლა | 1899 (ჰელფორდ მაკინდელი) |
  | |
 | |
კენია (ინგლ. Mount Kenya) — ვულკანური მასივი კენიაში. კილიმანჯაროს შემდეგ წარმოადგენს აფრიკის სიმაღლით მეორე მწვერვალს. მასივის უმაღლესი მწვერვალებია: ბატიანი (5199 მ), ნელიონი (5188 მ) და პოინტ-ლენანა (4985 მ). მდებარეობს ეკვატორიდან სამხრეთით 150 კმ-ზე, კენიის ცენტრალურ ნაწილში. აღმართულია დიდი რიფტული ხეობის აღმოსავლეთით, ლავურ პლატოზე, აქვს წაკვეთილი კონუსის ფორმა. კენია — სტრატოვულკანია, რომელიც დიდი რიფტული ხეობის წარმოქმნიდან დაახლოებით 3 მლნ. წლის შემდეგ შეიქმნა.[1] კენიის კალთებზე ეშვება 11 მყინვარი. 1200 მ-მდე ნოტიო ეკვატორული ტყეებია, 2000 მ-მდე — ყავისა და ბანანის პლანტაციები, 3000 მ-მდე — ნოტიო მთის ტყეები, 4800 მ-მდე — ეკვატორული მაღალმთიანი მდელოების სარტყელი, უფრო მაღლა — მარადი თოვლი და მყინვარები.[2] პირველად დაიპყრო ინგლისელმა გეოგრაფმა ჰელფორდ ჯონ მაკინდერმა 1899 წელს. მთის გარშემო მდებარეობს კენიის მთის ეროვნული პარკი, რომელიც 1997 წელს შეიტანეს იუნესკოს მსოფლიო მემკვიდრეობის ძეგლების სიაში.[3]