არსენ ავაკოვი

არსენ ავაკოვი
	სომხ. Արսեն Բորիսի Ավագով; უკრ. Арсен Борисович Аваков
დაბადების თარიღი	2 იანვარი, 1964
დაბადების ადგილი	ბაქო, სსრკ
მოქალაქეობა	უკრაინა
განათლება	Kharkiv Polytechnic Institute
ეროვნება	უკრაინელი
პარტია	ბატკივშინა (2010-2014); სახალხო ფრონტი (2014-დღემდე)
საქმიანობა	პოლიტიკოსი
ჯილდოები	Honored Economist of Ukraine, III ხარისხის ორდენი „დამსახურებისათვის“ და საპატიო ლეგიონის ორდენი
	avakov.com
	არსენ ავაკოვი ვიკისაწყობში

არსენ ბორისოვიჩ ავაკოვი (უკრ. Арсен Борисович Аваков; სომხ. Արսեն Բորիսի Ավագով; დ. 2 იანვარი, 1964, ბაქო, სსრკ) — სომხური წარმოშობის უკრაინელი სახელმწიფო და პოლიტიკური მოღვაწე. უკრაინის შინაგან საქმეთა მინისტრი 2014–2021 წლებში^[1].

ბიოგრაფია

დაიბადა 1964 წლის 2 იანვარს ბაქოში, სამხედრო პირის ოჯახში.

ეროვნებით სომეხი. 1966 წლიდან მუდმივად ცხოვრობს უკრაინაში. უკრაინის მოქალაქე.

1990 წელს დააარსა სს „ინვესტორი“. 2005-2010 წლებში იყო ხარკოვის საოლქო სახელმწიფო ადმინისტრაციის ხელმძღვანელი^[2].

2011 წლის შემოდგომიდან 2012 წლის დეკემბრამდე პოლიტიკურ ემიგრაციაში იმყოფებოდა იტალიაში, ვიქტორ იანუკოვიჩის რეჟიმის მხრიდან დევნის გამო.

2012 წელს აირჩიეს უკრაინის სახალხო დეპუტატად.

2014 წლის რევოლუციის დროს იყო ევრომაიდანის ერთ-ერთი კომენდანტი.

2014 წლის 27 თებერვალს უკრაინის უმაღლესმა რადამ უკრაინის შინაგან საქმეთა მინისტრად არსენ ავაკოვი დაამტკიცა.

ავაკოვის ინიციატივით 2014 წელს შეიქმნა უკრაინის ეროვნული გვარდია და მოხალისეთა ბატალიონები. მათ შესაძლებელი გახადეს რუსეთის ფედერაციის მხარდაჭერილი სამხედრო აგრესიის შეჩერება აღმოსავლეთ უკრაინაში^[3].

2014 წლის 7-8 აპრილის ღამეს ავაკოვი პირადად ხელმძღვანელობდა ხარკოვის საოლქო სახელმწიფო ადმინისტრაციის შენობის შტურმს, რომელიც რუსეთის მხარდაჭერილ სეპარატისტულ ჯგუფებს ეკავათ^[4].

ავაკოვის ინიციატივით ბიომეტრიული პასპორტების დანერგვის პროცესში აქტიურად იყო ჩართული შინაგან საქმეთა სამინისტრო. აღნიშული აუცილებელ პირობას წარმოადგენდა ევროკავშირის ქვეყნებთან უვიზო რეჟიმის შემოღებისთვის.

ავაკოვი იტალიაში იცავდა უკრაინის ეროვნული გვარდიის ჯარისკაცს ვიტალი მარკივს. ავაკოვის მონაწილეობით, მილანის (იტალია) სასამართლომ მოხსნა ბრალდება მარკივისა და უკრაინის წინააღმდეგ 2014 წლის მაისში სლოვიანსკში ფოტოჟურნალისტ ანდრეა როჩელის (იტალია) და ანდრეი მირონოვის (რუსეთის ფედერაცია) დაღუპვის საქმეზე.

ავაკოვი უკრაინის შინაგან საქმეთა მინისტრი იყო 2014 წლის 24 თებერვლიდან 2021 წლის 15 ივლისამდე — მინისტრთა ხუთი კაბინეტის წევრი, ორი პრეზიდენტის დროს (პეტრო პოროშენკო და ვოლოდიმირ ზელენსკი). დამოუკიდებელი უკრაინის ისტორიაში ეს სახელისუფლებო თანამდებობაზე ყოფნის ყველაზე ხანგრძლივი პერიოდია^[5].

სახელმწიფო ჯილდოები

უკრაინის დამსახურებული ეკონომისტი (06.22.2007)
ღირსების ორდენი III ხარისხის (15.04.2016)
საპატიო ლეგიონის ორდენი (საფრანგეთი) (06.09.2022)

რესურსები ინტერნეტში

სქოლიო

ეს სტატია პოლიტიკური მოღვაწის შესახებ ჯერჯერობით ესკიზია. თქვენ შეგიძლიათ დაგვეხმაროთ მის შევსებაში.

[1] Арсен Аваков, Фокус.ua (29 марта 2013)

[zakon1.rada.gov.ua-2] Указ Президента Украины от 20 марта 2008 года № 241/2008 «Вопросы Национального совета по вопросам взаимодействия органов государственной власти и органов местного самоуправления»

[3] A nation-in-the-making, in arms: control of force, strategy and the Ukrainian Volunteer Battalions (2018-04-18).

[4] Ukraine Authorities Clear Kharkiv Building, Arrest Scores Of 'Separatists' (2014-04-08).

[5] Ukrainian Parliament Accepts Resignation Of Influential Interior Minister (2021-07-15).

[1]

[2]

[3]

[4]

[5]