აგრონომიული მადნები

აგრონომიული მადნები — ქანები და მინერალები არამეტალური წიაღისეულის ჯგუფისა — ფოსფორიტი, აპატიტი, კალიუმის მარილები და სხვ.; აგრონომიული მადნები შეიცავენ ფოსფორის, კალიუმის, აზოტის, კალციუმის, გოგირდის და სხვ. ნაერთებს. იყენებენ მინერალური სასუქების მისაღებად.

საქართველოში აპატიტი ნაპოვნია ოზურგეთის მუნიციპალიტეტში სოფელ ვაკიჯვართან, ფოსფორიტის არასამრეწველო დანაგროვები — ელდარის ველზე, ცაგერის, მარტვილის, წყალტუბოს მუნიციპალიტეტებში, ქუთაისთან.

ლიტერატურა

• ქართული საბჭოთა ენციკლოპედია, ტ. 1, თბ., 1975. — გვ. 73.