Yle
 | |
| მედიის სახეობა: | მაუწყებლობა |
|---|---|
| დაფუძნდა: | 9 სექტემბერი, 1926 |
| მფლობელი: | სახელმწიფოს მფლობელობაში |
| შტაბ-ბინა: | ჰელსინკი |
| ფორმატი: | ტელე/რადიო/ინტერნეტი |
| გავრცელება: | ეროვნული საერთაშორისო |
| საიტი: | www.yle.fi |
ფინეთის სამაუწყებლო კომპანია (ფინ. Yleisradio, შვედ. Rundradion), შემოკლებით Yle — ფინეთის ეროვნული საზოგადოებრივი სამაუწყებლო კომპანია; დაარსდა 1926 წელს. YLE არის საზოგადოებრივი მაუწყებელი, რომელიც ბევრი თავისებურებით თავის ბრიტანულ ანალოგს, BBC–ს ემსგავსება. კომპანიაში დასაქმებულია დაახლოებით 3 200 ადანიანი. მისი აქციების 99.98 % წილს ფინეთის სახელმწიფო ფლობს.
დღესდღეობით, კომპანიაში ერთიანდება 4 ეროვნული სატელევიზიო არხი, 13 რადიოარხი და 25 რეგიონული რადიოსადგური. იქიდან გამომდინარე, რომ ფინეთი ოფიციალურად მრავალენოვანი სახელმწიფოა და მისი მოსახლეობის 5,5% შვედურად საუბრობს, Yle ასევე აწარმოებს რადიო და სატელევიზიო გადაცემას შვედურად, რომელსაც შვედური Yle ჰქვია (Svenska Yle). უცხოენოვანი ფილმები და შოუები კომპანიის არხებზე ძირითადად სუბტიტრებით გადის. დუბლირება მხოლოდ საბავშვო ანიმაციურ ფილმებზე გამოიყენება.
Yle ერთ–ერთი იყო იმ 23 სამაუწყებლო ორგანიზაციიდან, რომლებმაც 1950 წელს ევროპის მაუწყებელთა კავშირი დააარსეს. 2007 წელს მან უმასპინძლა ევროვიზიის სიმღერის კონკურსს ფინეთის დედაქალაქ ჰელსინკიში.
რესურსები ინტერნეტში
|
ეს სტატია ტელევიზიის შესახებ ჯერჯერობით ესკიზია. თქვენ შეგიძლიათ დაგვეხმაროთ მის შევსებაში. |