The Sanda
| The Sanda | |
|---|---|
| ბიოგრაფია | |
| წარმოშობა | 6 თებერვალი, 1993[1] |
| ჟანრ(ებ)ი | |
| აქტიური |
|
| წევრები |
|
| საიტი | sanda.ge |
The Sanda (სანდა) — მუსიკალური ჯგუფი, რომელიც ჩამოყალიბდა თბილისში (საქართველო) 1993 წელს.[2] ჯგუფის წევრები არიან ნათია ნამგალაური (კლავიშებიანი, ბექ-ვოკალი), ირაკლი ლომსაძე (კლავიშებიანი, ვოკალი), სოსო საყვარელიძე (აკუსტიკური/რითმ-გიტარა, ვოკალი), გიორგი კობერიძე (დასარტყმელი საკრავები), ზურა ლანჩავა (გიტარა) და ვანო ხიმშიაშვილი (ბასი).
ჯგუფმა დაიწყო მოღვაწეობა სოფტ-როკისა და ბლუზის ჟანრში. მოგვიანებით ჯგუფში შემოვიდა ფოლკ-როკის ელემენტები. ჯგუფის ჟღერადობაში ძირითადად სჭარბობს ბრიტანული ხალხური მუსიკის ელემენტები,[3] მაგრამ ზოგიერთ კომპოზიციაში ქართულიც არის.
წელიწადნახევრის მუშაობის შემდეგ ჯგუფმა ჩაატარა თავისი პირველი სოლო კონცერტი („რკინიგზელთა კულტურის სახლში“, თბილისი). შემდგომში კიდევ რამდენიმე სოლო კონცერტი ქალაქის სხვადასხვა სცენებზე. იყო მონაწილე და ერთ-ერთი ორგანიზატორი 1996 წელს თბილისში ჩატარებული ფესტივალებისა „ხელები“ (კ/თ „ყაზბეგი“) და „მარგარიტა“ (ვაკის პარკი). ჯგუფის საგასტროლო არეალი მოიცავდა დასავლეთ და აღმოსავლეთ საქართველოს სხვადასხვა ქალაქებს, აგრეთვე აჭარის ზღვისპირა რაიონებს.[3]
1997 წელს, ფინანსური პრობლემების გამო, ჯგუფმა შეწყვიტა შემოქმედებითი მოღვაწეობა. 2006 წელს იგი კვლავ შეიკრიბა და განაახლა მუშაობა. ამავე წელს მათ ჩაწერეს პირველი ალბომი Return (დაბრუნება), რომლშიც 10 კომპოზიცია შედიოდა.[1]
2011 წლის ზაფხულში ჯგუფს დაემატა კიდევ ერთი წევრი, ნიკა მარგველაშვილი — (დასარტყმელი საკრავები), რომელმაც ჯგუფი დატოვა 2014 წელს. 2012 წლის 29 აპრილს ჯგუფმა გამოსცა რიგით მეორე ალბომი „The Smell of the Rays“, რომლის პრეზენტაცია გაიმართა თბილისის ღამის კლუბ „სენატში“.[1]
2015 წლის 24 თებერვალს The Sanda გახდა კავკასიური მუსიკალური პრემია „ფენიქსის“ გამარჯვებული ნომინაციაში „საუკეთესო ვიდეო“.[4]
ჯგუფის წევრები[რედაქტირება | წყაროს რედაქტირება]
- ნათია ნამგალაური (კლავიშებიანი, ბექ-ვოკალი)
- ირაკლი ლომსაძე (კლავიშებიანი, ვოკალი)
- სოსო საყვარელიძე (აკუსტიკური/რითმ-გიტარა, ვოკალი)
- გიორგი კობერიძე (დასარტყმელი საკრავები)
- ზურა ლანჩავა (გიტარა)
- ვანო ხიმშიაშვილი (ბასი)
ალბომები[რედაქტირება | წყაროს რედაქტირება]
- სტუდიური
- Return — 2006
- The Smell Of The Rays — 2012
- The Sea of Dreams — 2018
რესურსები ინტერნეტში[რედაქტირება | წყაროს რედაქტირება]
- ოფიციალური საიტი
- ბიოგრაფია ოფიალურ საიტზე დაარქივებული 2018-08-29 საიტზე Wayback Machine.
- ჯგუფის ბიოგრაფია[მკვდარი ბმული] Radio.ge-ზე
- The Sanda — Reverbnation
- The Sanda-ს არხი YouTube-ზე
- The Sanda საიტზე MySpace
სქოლიო[რედაქტირება | წყაროს რედაქტირება]
- ↑ 1.0 1.1 1.2 History of the Band. Sanda.ge. დაარქივებულია ორიგინალიდან — 2018-08-29. ციტირების თარიღი: 31 აგვისტო, 2018.
- ↑ „The Sanda-ს გეგმები 25 წლის შემდეგ“. „რადიო თავისუფლება“ (24თებერვალი , 2017). ციტირების თარიღი: 31 აგვისტო, 2018.
- ↑ 3.0 3.1 The SANDA. Radio.ge.[მკვდარი ბმული]
- ↑ „ბათუმში გაიმართება როკ-კონცერტი დევიზით „არა ტერორიზმს!“. sputnik-georgia.com (25 აგვისტო, 2016). ციტირების თარიღი: 31 აგვისტო, 2018.