Suits — მუსიკოს და ვოკალისტ ფიშის მეოთხე სოლო-ალბომი. გამოვიდა 1994 წელს. ეს დისკი იყო რიგით პირველი, რომელიც გამოიცა ფიშის საკუთარ ლეიბლზე Dick Bros Record Company (მოგვიანებით ის Polydor-ს შეუერთდა).
მიუხედავად იმისა, რომ დისკს განსაკუთრებული სარეკლამო კამპანია თან არ ახლდა, ბრიტანულ ჩარტში მან #18 ადგილს მიაღწია. ალბომიდან გამოცემულმა ორმა სინგლმა „Lady Let It Lie“ და „Fortunes of War“ დისკის წარმატებაში დიდი როლი ითამაშეს. საგულისხმოა რომ აქედან პირველი გამოიცა ოთხი სხვადასხვა სახით, ოთხი კვირის მანძილზე. ყოველ ვერსიაში სასათაურო კომპოზიცია განსხვავებულად სრულდებოდა როგორც ჩვეულებრივი, ასევე აკუსტიკური სახით. მიუხედავად ამისა, მაღაზიებში არ ესმოდათ ფიშის მიდგომის და ერთად ყიდდნენ სინგლის ოთხივე ვერსიას.
