Closing Time — ამერიკელი მომღერალ და სიმღერების ავტორ ტომ უეიტსის სადებიუტო სტუდიური ალბომი, გამოცემული 1973 წლის მარტში Asylum Records-ზე. იგი ჩაწერილია ჯერი იესტერის, Lovin' Spoonful-ის ყოფილი წევრის არანჟირებით და პროდიუსერობით და არის პირველი უეიტსის მიერ ლეიბლზე გამოცემული შვიდი ძირითადი ალბომიდან.
ჩანაწერი გამოირჩევა ხალხური მუსიკის უხვი გამოყენებით[2], თუმცა ტომს თავდაპირველად სურდა, მას ჯაზური, ფორტეპიანოზე აგებული ჟღერადობა ჰქონოდა.[3] ალბომი გამოსვლისთანავე აშშ-ში საკმაოდ წარმატებული იყო, თუმცა ჩარტში არ მოხვედრილა, ხოლო ბრიტანეთში მუსიკალური პრესის ყურადღება არ მიუქცევია[4], ისევე, როგორც სხვა ქვეყნებში. ამასთან, კრიტიკოსების მიმოხილვებში Closing Time დადებითად შეფასდა[5][6] შემდგომში „Ol' '55“-ის, ალბომის ერთადერთი სინგლის საკუთარი ვერსია ჩაწერა Eagles-მა და ამით მისდამი ინტერესიც გამოიწვია. რამდენიმე სხვა სიმღერის ინტერპრეტაციები ტიმ ბაკლიმ[7] და ბეტი მიდლერმა ჩაწერეს.[8] ბრიტანეთში დისკს საბოლოოდ ოქროს დისკის[9], შემდგომში კი, როკის მოყვარულებს შორის საკულტო სტატუსიც მოჰყვა.[10] დღემდე იგი ხელახლა გამოცემულია 1976 წელს, გრამფირფიტაზე, CD-ზე 1992 და 1999 წელს და 180 გრამიან გრამფირფიტაზე – 2010 წელს.
