ციურიხის ტბა

ციურიხის ტბა
ციურიხის ტბა
კოორდინატები: 47°15′28″ ჩ. გ. 8°38′56″ ა. გ.
მდებარეობა	შვეიცარია
სიმაღლე ზღვის დონიდან	409 მ
სიგრძე	40 კმ
სიგანე	1-4 კმ
ფართობი	88 კმ²
მაქსიმალური სიღრმე	143 მ

ციურიხის ტბა (გერმ. Zürichsee, ფრანგ. Lac de Zurich) — ტბა შვეიცარიაში, გლარნის ალპების ჩრდილოეთით, ზღვის დონიდან 409 მ სიმაღლეზე. მდებარეობს სანქტ-გალენის, შვიცისა და ციურიხის კანტონების ტერიტორიაზე. ფართობი 88 კმ². მაქსიმალური სიგრძე 40 კმ, სიგანე 1-იდან 4 კმ-მდე. ნამგლისებური ფორმისაა. მოქცეულია ძველმყინვარულ ქვაბულში. უდიდესი სიღრმე 143 მ. აღმოსავლეთ ნაწილში ერთვის მდინარე ლინთი, რომელიც გამოედინება ტბის დასავლეთი ნაპირებიდან ქალაქ ციურიხის რაიონში მდინარე ლიმატის სახელწოდებით.

ჯებირებით გაყოფილია ორ არათანაბარ ნაწილად. უმცირესი — ზემო ტბა (გერმ. Obersee) შვიცისა და სანქტ-გალენის კანტონებს შორისაა, ქვედა ტბა — (გერმ. Untersee) მოქცეულია მთლიანად ციურიხის კანტონის ტერიტორიაზე. ციურიხის ტბის ქვედა მონაკვეთი გამოირჩევა დიდი სიღრმით. ნაპირების გასწვრივ გაყვანილია რკინიგზის ხაზი. ტბაში 2 კუნძულია. სანაოსნოა. მიმდინარეობს თევზჭერა. ტბის ჩრდილოეთ-დასავლეთ ნაპირზეა ქალაქი ციურიხი.

იხილეთ აგრეთვე

• შვეიცარიის ტბების სია

რესურსები ინტერნეტში

• შეგიძლიათ იხილოთ მედიაფაილები თემაზე „ციურიხის ტბა“ ვიკისაწყობში.
• ციურიხის ტბა — სტატია ენციკლოპედია ბრიტანიკიდან (ინგლისური)