ჩიტი (იუმორისტული გამოცემა)

ბმულების დამატება
მასალა ვიკიპედიიდან — თავისუფალი ენციკლოპედია

ჩიტი (ჩიტი ნიუსი, ჩიტი News) — ქართული სატირულ-იუმორისტული პროექტი, რომელიც ტექსტურ სტატიებთან ერთად აქტიურად აქვეყნებდა სატირულ ვიდეოებსაც[1], ძირითადად ახალი ამბების ფორმატით. პროექტი ქართულ ინტერნეტ სივრცეში გამოჩნდა 2011 წელს[2].

პროექტმა 2017 წლის შემდეგ აქტიური მუშაობა შეწყვიტა.

გუნდი[რედაქტირება | წყაროს რედაქტირება]

დამფუძნებელი გუნდი[რედაქტირება | წყაროს რედაქტირება]

  • დოდი ხარხელი - ახალი ამბების წამყვანი, სცენარისტი.
  • საბა ლეკვეიშვილი - მთავარი რედაქტორი[3][4], სენცარისტი, გადაცემა "ჩიტის საკენკის" ერთ-ერთი წამყვანი
  • სალომე (მანქი/ბარკერი) ნიკოლეიშვილი - ახალი ამბების ჟურნალისტი[5], სცენარისტი.
  • ნოდარ (როკო) დავითური - რეჟისორი, პროდიუსერი, სცენარიტი.

წევრები სხვადასხვა დროს[რედაქტირება | წყაროს რედაქტირება]

  • ნინო (ნაინო) ქაშიბაძე - სცენარისტი, კონტრიბუტორი, გადაცემა "ჩიტის საკენკის" ერთ-ერთი წამყვანი
  • გურამ ვარშანიძე - გადაცემა "ჩი-TOP-ის" წამყვანი, მსახიობი
  • ნიკა ლოლაძე - სცენარისტი, მსახიობი, კონტრიბუტორი
  • გიორგი კარანაძე - სცენარისტი, კონტრიბუტორი

პროექტი თანამშრომლობდა სხვადასხვა კონტრიბუტორებთან და მსახიობებთან ეპიზოდური როლების შესავსებად.

გადაცემები[რედაქტირება | წყაროს რედაქტირება]

  • ახალი ამბები - სატირულ-იუმორისტული ე.წ. "Fake news"-ის ფორმატის ახალი ამბები.
  • „ჩიტის საკენკი“ - იუმორისტული მონოლოგები სხვადასხვა თემებზე.
  • „ჩიTOP“ - მუსიკალურ-იუმორისტული გადაცემა სოციალურ და კულტურულ თემებზე.
  • „კვირის ჰედლაინები“ - მოკლე ახალი ამბები იუმორისტული კომენტარით.

სტატიები და ვებსაიტი[რედაქტირება | წყაროს რედაქტირება]

ჩიტის მთავარი პროდუქტი იყო სატირულ-იუმორისტული სტატიები[6][7], რომლებიც ძირითადად პოლიტუკრ და სოციალურ თემებს ეხმაურებოდა აქტიურად[8].

გამოხმაურება[რედაქტირება | წყაროს რედაქტირება]

ჩიტის რამდენიმე სტატია პოლიტიკური დებატების ცენტრშიც მოექცა.

მაგალითად, ჩიტის სტატიას: "ბერამ მარგველაშვილი და-diss-ა", Georgian Dream Studio და ბერა ივანიშვილი ოფიციალური პრესრელიზით გამოეხმაურნენ და ბერას მიერ პრეზიდენტი გიორგი მარგველაშვილისთვის ე.წ. "Diss"-ის მიძღვნა უარჰყვეს[9][10]. თუმცა დაახლოებით ერთი წლის შემდეგ ბერა ივანიშვილმა მართლაც მიუძღვნა სიმღერა საქართველოს პრეზიდენტს[11].

2014 წლის ნოემბერში, დიასპორის სახელმწიფო მინისტრის მოადგილე სანდრო ბრეგაძე საქართველოს ერთ-ერთ მოქალაქეს დაემუქრა. მას შემდეგ რაც არასამთავრობო ორგანიზაციებმა მისი გადადგომა მოითხოვეს, დიასპორის სამინისტრომ ოფიციალურ დოკუმენტში, მინისტრის მოადგილის მუქარის მიზეზად მოქალაქის მიერ "ჩიტი ნიუსის" სტატიის პირად გვერდზე გადაშეარება დაასახელა[12][13].

სქოლიო[რედაქტირება | წყაროს რედაქტირება]

  1. ↑ Droni.ge. chiti.ge "მე-9 არხის" პრომოს "დაწუნებულ" ვარიანტს აქვეყნებს (ვიდეო).
  2. ↑ რადიო თავისუფლება. 2012 In Action.
  3. ↑ მეტრონომი. როგორ გავარჩიოთ სოცქსელში მცდარი ინფორმაცია ნამდვილისგან?.
  4. ↑ Frontline Georgia, ნინო ჯაფიაშვილი. რეფლექსია "ჩიტის" რედაქტორთან საბა ლეკვეიშვილთან.
  5. ↑ სალომე ბარკერი. ნახვამდის...
  6. ↑ Martine Neddam. Artificial Artists of Georgia - Chiti.ge.
  7. ↑ Mark Fonseca Rendeiro / citizenreporter.org. Satire and News in Georgia.
  8. ↑ ოფიციალური საიტი.
  9. ↑ კვირა.ჯი. GDS-ი ბერაზე გავრცელებული ინფორმაციის მართებულობას არ ადასტურებს.
  10. ↑ აფხაზეთის ხმა. Georgian Dream Studio იუმორისტული პორტალის ხუმრობას საგანგებო განცხადებით ეხმიანება.
  11. ↑ fortuna.ge. ბერამ გიორგი მარგველაშვილს სიმღერა „ავტოგოლი“ მიუძღვნა.
  12. ↑ ნეტგაზეთი. დიასპორის სამინისტრო ირაკლი ვაჭარაძის წინაღმდეგ chiti.ge-ს იმოწმებს.
  13. ↑ Tabula.ge. დუმბაძე: ვაჭარაძემ "ჩიტის" სტატიის გაზიარებით ქრისტიანებისადმი ირონია გამოხატა.
მოძიებულია „https://ka.wikipedia.org/w/index.php?title=ჩიტი_(იუმორისტული_გამოცემა)&oldid=4578696“-დან