ჩელეთის საეპისკოპოსო

ჩელეთის საეპისკოპოსო — ერთ-ერთი ძველი ქრისტიანული ეპარქია საქართველოში. დააარსა ვახტანგ გორგასალმა დაახლოებით 466-468 წლებში თორმეტ სხვა საეპიეკოპოსოსთან ერთად. ჩელეთის საეპისკოპოსოს ეპარქიაში შედიოდა ერწო-თიანეთი, ფშავ-ხევსურეთი და ხერკი. მტრისაგან ჩელეთის შემუსვრის გამო ჩელეთის საეპისკოპოსოს რეზიდენცია გადასულა ხარჭაშოს საეპისკოპოსო ეკლესიაში (დრო უცნობია).

ლიტერატურა

• ლომინაძე ბ., ქართული საბჭოთა ენციკლოპედია, ტ. 11, თბ., 1987. — გვ. 94.