შაჰდარის ქედი
| შაჰდარის ქედი | |
|---|---|
 ენგელსის პიკი | |
| კოორდინატები: 37°10′ ჩ. გ. 72°00′ ა. გ. / 37.167° ჩ. გ. 72.000° ა. გ. | |
| ქვეყანა |  ტაჯიკეთი
|
| ტერიტორიული ერთეული | მთიანი ბადახშანის ავტონომიური ოლქი |
| უმაღლესი წერტილი | კარლ მარქსის პიკი |
| სიმაღლე | 6726 მ |
  | |
შაჰდარის ქედი — ქედი ტაჯიკეთში, დასავლეთი პამირის სამხრეთ ნაწილში, ადმინისტრაციულად მოქცეულია მთიანი ბადახშანის ავტონომიური ოლქის ტერიტორიაზე. წარმოადგენს მდინარეების შაჰდარისა და ფანჯის წყალგამყოფს.[1]
შაჰდარის ქედი შედგება იშქაშიმის მერიდიანული ქედისა და საკუთრივ შაჰდარის სუბგანედური ქედისაგან. იშქაშიმის ქედი, რომლის სიგრძე 95 კმ-ია, წარმოადგენს შაჰდარის ქედის დასავლეთ ნაწილს, ხოლო 105 კმ-ზე გადაჭიმული შაჰდარის ქედი ქედის შუა და აღმოსავლეთ ნაწილს. იშქაშიმის ქედის უმაღლესი წერტილია მაიაკოვსკის პიკი (6096 მ), ხოლო შაჰდარის ქედისა — კარლ მარქსის პიკი (6726 მ).[1] შაჰდარის ქედზეა აგრეთვე მწვერვალი ენგელსის პიკი (6510 მ).[2]
შაჰდარის ქედის სამხრეთი კალთები ღრმად არის ჩაჭრილი ვიწრო ხეობებით, ჩრდილოეთი კალთების ძირის გაყოლებით გადაჭიმულია ფართო პლატოსებრი ზედაპირი. შაჰდარის ქედის მაღალმთიანეთში 300-ზე მეტი მყინვარია, რომელთა საერთო ფართობია 269 კმ². კალთებზე გავრცელებულია მაღალმთანეთის სტეპი და მდელოსტეპი.[3]
სქოლიო[რედაქტირება | წყაროს რედაქტირება]
- ↑ 1.0 1.1 Краткая географическая энциклопедия. Том 4: М., 1964.
- ↑ Пик Энгельса (6510м.) (Юго-Западный Памир, Таджикистан)
- ↑ შაჰდარის ქედი — გეოგრაფიული ენციკლოპედია (რუსული)