ყარყატი

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
ყარყატი
Ciconia Diversity.jpg
მეცნიერული კლასიფიკაცია
სამეფო:  ცხოველები
ტიპი:  ქორდიანები
კლასი:  ფრინველები
რიგი:  ყარყატისნაირნი
ოჯახი:  ყარყატისებრნი
გვარი:  ყარყატი
ლათინური სახელი
Ciconia (Linnaeus, 1758)

ყარყატი (ლათ. Ciconia) — ფრინველების გვარი ყარყატისნაირთა რიგისა. მოცავს შვიდ სახეობას, რომელთაგანაც ექვსი აფროევრაზიის კონტინენტზე ბინადრობს, და მხოლოდ ერთია ამერიკის მკვიდრი.

ყარყატები არიან მოზრდილი ფრინველები, საშუალოდ 1 მეტრი სიმაღლის, ფრთის შლილი ხშირად 2 მეტრამდეა, აქვთ მაღალი ფეხები, გრძელი კისერი და ნისკარტი. ბუმბულის შეფერილობაში ფიგურირებს მხოლოდ ორი ფერი — თეთრი და შავი, რომელთა ინტენსივობაც სახეობებში განსხვავებულია, ნისკარტი და ფეხები წითლადაა შეფერილი. ბინადრობენ უფრო მეტად ნოტიო ადგილებში, წყალსატევებისპირა ლერწმებში, ჭაობებში, ასევე ველებზე, მდინარების ხეობებსა და ტყეებში. ბუდეს ტოტებისგან იკეთებენ ხეებზე, სახურავებზე, ლერწმებში, კლდეებში. ყარყატები ადამიანებს ძალიან ენდობიან და ახლოს მიდიან საცხოვრებელ სახლებთან. დებენ 4-5 თეთრი ფერის კვერცხს, ზომით დაახლოებით 8 სმ. მონოგამიურები არიან. ბუდობენ კოლონიებად ან წყვილებად. იკვებებიან სხვადასხვა ცხოველური საკვებით, ძირითად კვების რაციონს შეადგენენ თევზები, ბაყაყები, ხვლიკები, გველები, ლოკოკინები, ჭიები, მინდვრის თაგვები, მწერები. მიგრანტები ევროპაში თებერვალსა და მარტში ჩამოდიან, და ყოფილ ბუდეებს უბრუნდებიან. ყარყატებზე არ ნადირობენ, ზოგი სასარგებლოა მავნე მწერებსა და მღრღნელების განადგურების გამო.

საქართველოში გავრცელებულია თეთრი ყარყატი, იგივე ლაკლაკი (ლათ. Ciconia ciconia) და შავი ყარყატი, იგივე იშხვარი (ლათ. Ciconia nigra), რომელიც შეტანილია საქართველოს „წითელ წიგნში“[1].

სახეობები[რედაქტირება | წყაროს რედაქტირება]

სურათი სამეცნიერო დასახელება სახელი გავრცელება
Abdim's Stork (Ciconia abdimii) (7011390701).jpg Ciconia abdimii თეთრმუცლიანი ყარყატი ფაილი:Ciconia abdimii distribution map.png
Wooly necked stork David Raju.jpg Ciconia episcopus თეთრყელიანი ყარყატი ფაილი:Ciconia abdimii distribution map.png
Storm's Stork (14154610322).jpg Ciconia stormi მალაიური ყარყატი ფაილი:Ciconia abdimii distribution map.png
Maguari.jpg Ciconia maguari ამერიკული ყარყატი ფაილი:Ciconia abdimii distribution map.png
Ciconia boyciana (male).JPG Ciconia boyciana აღმოსავლური ყარყატი ფაილი:Ciconia abdimii distribution map.png
White Stork RWD.jpg Ciconia ciconia თეთრი ყარყატი ფაილი:Ciconia abdimii distribution map.png
Kara leylek.jpg Ciconia nigra შავი ყარყატი ფაილი:Ciconia abdimii distribution map.png

ლიტერატურა[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]