ფინგალის მღვიმე

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
მღვიმის შესასვლელი

ფინგალის მღვიმე (ინგლ. Fingal's Cave) — ზღვის მღვიმე შოტლანდიის კუთვნილ შიდა ჰებრიდის კუნძულების დაუსახლებელ კუნძულ სტაფაზე. მიეკუთვნება ეროვნულ ბუნების ნაკრძალს.[1] კედლები შედგება ბაზალტის ექვსკუთხა სვეტებისგან და სტრუქტურით რითაც ჩრდილოეთ ირლანდიაში მდებარე გიგანტების გზას წააგავს. ორივე შემთხვევაში, გაგრილებულმა ცხელმა ლავამ ექვსკუთხედების ფორმა მიიღო. წარმოქმნილ სვეტებზე შემდეგში ეროზიამ მოახდინა გავლენა.[2]

მისი ზომა და ბუნებრივი თაღის ფორმის სახურავი,[3] ასევე ექოს ტალღებით გამოწვეული შემაძრწუნებელი ხმები, მღვიმეს ბუნებრივი ეკლესიის ატმოსფეროს სძენს. შოტლანდიურ ენაზე მღვიმეს An Uaimh Bhinn ჰქვია, რაც „მელოდიურ მღვიმეს“ ნიშნავს.

ინგლისურენოვანი მსოფლიოს ყურადღება მღვიმემ XVIII საუკუნის ნატურალისტის — სერ ჯოსეფ ბანკსის წყალობით მიიპყრო, 1772 წელს.[4][5] „ფინგალის მღვიმე“ XVIII საუკუნის შოტლანდიელი პოეტისა და ისტორიკოსის — ჯეიმზ მაკფერსონის ეპიკური პოემის ეპონიმური გმირის მიხედვით ეწოდა. ეს ნაწარმოები მაკფერსონის ოსიანურ პოემათა ციკლს მიეკუთვნება, რომლებიც ძველ შოტლანდიურ პოემებს ეყრდნობა. ირლანდიურ მითოლოგიაში, გმირი ფინგალი ფინ მაკ კუმალის სახელითაა ცნობილი და ვარაუდობენ, რომ მაკვერსონმა სახელი „ფინგალი“ ნაწარმოებში შეცდომით გადაიტანა.[6]

მღვიმეს ზღვის მხრიდან ფართო თაღის ფორმის შესასვლელი გააჩნია. მისი მონახულება კრუიზით რამდენიმე ადგილობრივ კომპანიას აქვს ჩართული თავიანთ ტურებში, აპრილიდან სექტემბრამდე.[3][4] მღვიმის მონახულება ასევე შესაძლებელია კუნძულიდან, სახმელეთო გზით, ზღვიდან ოდნავ ამოზიდული იმ საფეხმავლო ბილიკის გავლით, რომელსაც გადატეხილი სვეტები წარმოქმნიან. შიგნითა მხრდიან, მღვიმის შესასვლელი ახლომდებარე კუნძულ იონას მოხაზულობას წააგავს.[3]

მღვიმის ზომები[რედაქტირება | წყაროს რედაქტირება]

  • სიღრმე — 69 მ; სიმაღლე — 20 მ (Wood-Nuttall Encyclopaedia, 1907)[7]
  • სიღრმე — 45 მ; სიმაღლე — 22 მ (National Public Radio)[8]
  • სიღრმე — 85 მ; სიმაღლე — 23 მ (Show Caves of the World)[4]

გალერეა[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. National Trust for Scotland: Fingal's Cave. დაარქივებულია ორიგინალიდან — 2006-06-19. ციტირების თარიღი: 2012-06-19.
  2. Formation of basalt columns / pseudocrystals. დაარქივებულია ორიგინალიდან — 2017-04-11. ციტირების თარიღი: 2012-06-19.
  3. 3.0 3.1 3.2 Staffa (Fingal's Cave) and the Treshnish Islands The Internet Guide to Scotland
  4. 4.0 4.1 4.2 Show Caves of the World
  5. Caves and Caving in the UK. დაარქივებულია ორიგინალიდან — 2009-03-06. ციტირების თარიღი: 2012-06-19.
  6. Notes to the first edition. დაარქივებულია ორიგინალიდან — 2013-10-16. ციტირების თარიღი: 2012-06-19.
  7. Wood-Nuttall Encyclopaedia, 1907
  8. National Public Radio
Commons-logo.svg
ვიკისაწყობში არის გვერდი თემაზე: