ტატიანა ფაბერჟე
ტატიანა ფაბერჟე (დ. 7 მარტი, 1930 – გ. 13 თებერვალი, 2020)[1] — მდივანი, [2] ფაბერჟეს მკვლევარი [3] იუველირი და მხატვარი შვეიცარიიდან.
ბიოგრაფია[რედაქტირება | წყაროს რედაქტირება]
ტატიანა ფაბერჟე დაიბადა 1930 წელს შვეიცარიაში . მისი მშობლები იყვნენ ფიოდორ ფაბერჟე (კარლ ფაბერჟეს ვაჟის აგათონის შვილი) და ტატიანა ბორისის ასული შერემეტიევა-ფაბერჟე (ბორის სერგეის ძე შერემეტიევისა და ელისაბედ ბაგრატიონ-მუხრანელის ქალიშვილი). 1950-იან წლებში ტატიანა პარიზში სწავლობდა საიუველირო დიზაინს, აქ მიეცა საშუალება უფრო დაახლოებოდა ბიძებს - ევგენი ფაბერჟესა და ალექსანდრე ფაბერჟეს. ძმებ ფაბერჟეებს ჰქონდათ თავიანთი სახელობის მაღაზია პარიზში.
ტატიანა ფაბერჟე შეუერთდა CERN-ს - ბირთვული კვლევების ევროპულ ორგანიზაციას - თეორიული ფიზიკის განყოფილების მთავარი მდივნის თანამდებობით,[1] როდესაც CERN-ის თეორიული ჯგუფი კოპენჰაგენიდან ჟენევაში გადავიდა.
ტატიანა წავიდა CERN-იდან 1995 წელს.
ფაბერჟეს ყოველთვის აინტერესებდა ფაბერჟეს სახლი. პენსიაზე გასვლის შემდეგ ის მუშაობდა ოჯახის ისტორიის კვლევაზე და მისი მემკვიდრეობის პოპულარიზაციაზე.
1974 წელს ტატიანამ გამოუშვა საკუთარი სამკაულებისა და პროდუქციის ხაზი - „ტატიანა ფაბერჟე“, რომელიც შემდეგში გაყიდვაში იყო მისი საკუთარი ვებსაიტის საშუალებით. [4] კარიერის განმავლობაში მან შექმნა რამდენიმე პროდუქტი სხვადასხვა სავაჭრო ნიშნით, 2005 წელს ფაბერჟე ltd-მ შეიძინა ტატიანა ფაბერჟეს კომპანიისგან ერთ-ერთი სავაჭრო ნიშანი, ამის შემდეგ ტატიანამ განაგრძო პროდუქტების შექმნა „ცარის კოლექციის“ სავაჭრო ნიშნით.
2007 წლიდან ის გახდა ფაბერჟე ltd-ში ფაბერჟეს მემკვიდრეობის საბჭოს წევრი და აქტიურად იყო დაკავებული ფაბერჟეს ltd-სთვის რჩევების მიცემითა და ზედამხედველობით რებრენდინგთან დაკავშირებით. იგი მჭიდროდ თანამშრომლობდა შემოქმედებით ჯგუფთან და აძლევდა რჩევებს მემკვიდრეობის საკითხებზე.
2010-იან წლებში ის საქართველოს ეწვია და მუხრანბატონის სასახლესაც ესტუმრა, რომელიც წარსულში მისი ბებიის ნათესავების საკუთრება იყო.[5] საქართველოში მან ასევე მოაწყო საკუთარი ნახატების გამოფენა.
2020 წლის თებერვალში მისი გარდაცვალების შემდეგ, მის მფლობელობაში არსებული ფაბერჟეს ოჯახის არქივი გადაეცა მოსკოვის კრემლის მუზეუმებს . [6]
2020 წელს ხელოვნების დილერის მიერ გამოქვეყნებული სტატიის თანახმად, ტატიანა მონაწილეობდა რამდენიმე ყალბი ფაბერჟეს კვერცხის ნამდვილ ნივთად გასაღებაში გაყიდვის მიზნით. [7]
პუბლიკაციები[რედაქტირება | წყაროს რედაქტირება]
მისი პუბლიკაციები კარლ ფაბერჟეს შესახებ:
- ფაბერჟეს სახლის ისტორია (1992). [8]
- ფაბერჟეს საიმპერატორო სააღდგომო კვერცხები (1997), [9]
- ფაბერჟე და სანქტ პეტერბურგის იუველირია (1997), [10]
- ფაბერჟე (2012). [11]
- ფაბერჟე 1902 წლის საიმპერატორო კვერცხი "იმპერია" (2017) [12]
რესურსები ინტერნეტში[რედაქტირება | წყაროს რედაქტირება]
- Tatiana Fabergé SA საიტზე დაარქივებული 2023-12-02 საიტზე Wayback Machine.
- ფაბერჟე ltd-ს საიტზე
სქოლიო[რედაქტირება | წყაროს რედაქტირება]
- ↑ 1.0 1.1 Fontaine, Marie-Noëlle; Perrin, Nanie; Ellis, John (4 March 2020). „Tatiana Fabergé (1930–2020)“. Bulletin for the CERN community. ციტირების თარიღი: 12 March 2020.
- ↑ History of CERN, III, https://books.google.com/books?id=gQbgQrYlpIoC&pg=PA294
- ↑ Faberge's Eggs: One Man's Masterpieces and the End of an Empire, https://books.google.com/books?id=U5RGaBZFsQgC&pg=PT276
- ↑ Tsars collection. დაარქივებულია ორიგინალიდან — 2023-12-02.
- ↑ კულინART. (2018)პოეტური ამბები შატო მუხრანიდან.
- ↑ Press release Moscow Kremlin Museums, "Fabergé Family Archive Bequeathed and Handed Over to the Moscow Kremlin Museums"
- ↑ Andre Ruzhnikov. (2020)A Fabergé Farrago of Fakes and Impostors.
- ↑ Franz P. Birbaum (1992), The history of the house of Fabergé: according to the recollections of the senior master craftsman of the firm, Franz P. Birbaum : on the occasion of the 150th anniversary of the foundation of the firm, 1842-1992, https://books.google.com/books?id=eKPIjgEACAAJ
- ↑ Tatʹi︠a︡na F. Faberzhe (1997), The Fabergé imperial Easter eggs, https://books.google.com/books?id=Cj09AQAAIAAJ
- ↑ Tatʹi︠a︡na F. Faberzhe (1997), Faberzhe i peterburgskie i︠u︡veliry: sbornik memuarov, stateĭ, arkhivnykh dokumentov po istorii russkogo i︠u︡velirnogo iskusstva, https://books.google.com/books?id=8p8sAQAAIAAJ
- ↑ Tatiana Fabergé (2012), Fabergé: A Comprehensive Reference Book, https://books.google.com/books?id=oStwMAEACAAJ
- ↑ Tatiana Fabergé (2017), Fabergé: The Imperial "Empire" Egg of 1902, https://www.academia.edu/38098288