ნუგზარ შატაიძე

ნუგზარ შატაიძე
ფაილი:Nugza Shataidze.jpg
დაბადების თარიღი	9 მარტი, 1944
დაბადების ადგილი	თბილისი
გარდაცვალების თარიღი	10 თებერვალი, 2009
გარდაცვალების ადგილი	თბილისი
საქმიანობა	მწერალი, დრამატურგი, ესეისტი
ეროვნება	საქართველო
მოქალაქეობა	სსრკ  საქართველო
პერიოდი	1968 — 2008
ჟანრი	ეპიკური
თემატიკა	ქართული სოფელი
მიმდინარეობა	რეალიზმი
დებიუტი	„თეთრი ყვავილები“ , 1968
Magnum opus	“პურის მოთხრობა”, 2005.
ჯილდოები	ღირსების ორდენი, საქართველოს მწერალთა კავშირის პრემია, საქართველოს სახელმწიფო პრემია და პრემია „საბა“
მეუღლე	ელისაბედ ყვავილაშვილი
გავლენა მოახდინეს :::რუსთაველი შოთა , ინანიშვილი რევაზ, რჩეულიშვილი გურამ

ნუგზარ შატაიძე (* 9 მარტი, 1944, თბილისი, საქართველო — გ. 10 თებერვალი, 2009,თბილისი, საქართველო), ქართველი მწერალი, დრამატურგი, ესეისტი.

ბიოგრაფია

ნუგზარ შატაიძე დაიბადა 1944 წლის 9 მარტს, თბილისში. მისი მშობლები სახელოვანი გვარის წარმომავლები იყვნენ, განსაკუთრებით დედა — ელენე, სახელგანთქმული ხიზამბარელების ოჯახიდან; მამა — ვახტანგ შატაიძე, ყველასთვის პატივსაცემი პიროვნება ყოფილა.

ნუგზარ შატაიძე სწავლობდა თბილისის ყოფილი ვაჟთა მე-20 სკოლაში (დღევანდელი 31-ე). დაამთავრა გრიგოლ ონიანის 62-ე სკოლა. სწავლობდა ჯერ სახელმწიფო უნივერსიტეტში, შემდეგ პოლიტექნიკურ ინსტიტუტში, ფიზიკის ფაკულტეტზე. სპეციალობით თბოენერგეტიკოსია.

დაინტერესება ქართული მწერლობით ადრეულ ასაკში გამოავლინა. გაიტაცა რევაზ ინანიშვილის, გურამ რჩეულიშვილისა და სხვათა შემოქმედებამ, უფრო გაუძლიერა და გაუღვივა ინტერესი და სიყვარული მწერლობისადმი.

მისი პირველი მოთხრობა თეთრი ყვავილები დაიბეჭდა 1968 წელს ჟურნალ „ცისკარში“.

1979 წელს გამოსცა მოთხრობების პირველი კრებული „მოთხრობები“.

არის ტელესერიალ ცხელი ძაღლის სცენარის თანაავტორი კოტე ჯანდიერთან ერთად.

გამოცემული წიგნები

• მოთხრობები, 1979
• მოლხინო, 1986
• სოფლის ძველი სახლი, 1990
• მიწა თავისას მოითხოვს, 1994
• ელიქარი, 1996
• ხელეური, 1998
• ევროპაში რა მინდოდა, 2004
• პურის მოთხრობა, 2005
• ტრამვაი №7, 2005
• შეხვედრა, 2010

სცენარის ავტორია ფილმების:

• გაღმა ნაპირი, რეჟისორი გიორგი ოვაშვილი, ( 2008)
• მიახლოება, სცენარის თანაავტორი რეჟისორ ალექსანდრე რეხვიაშვილთან ერთად, (1989).
• პეიტარი ( 1988)
• ლომა ( 1987)
• მევლუდი ( 1985)

რადიოდადგმები

• მეკვლე
• დაჭრილი წერო
• დაბრუნება

გადაღებულია ფილმებში:

• შუშის ნამსხვრევი (2003)
• პეიტარი (1988)
• ხარება და გოგია (1987)

პრიზები და ჯილდოები

• პრიზი საუკეთესო სცენარისათვის („გაღმა ნაპირი", რეჟისორი გიორგი ოვაშვილი) გონფრევილის საერთაშორისო კინოფესტივალზე (საფრანგეთი) — 2009
• ლიტერატურული პრემია "საბა" ნომინაციაში „წლის საუკეთესო პროზაული კრებული“ წიგნისათვის „ნოემბრის წვიმა“ — 2005

რესურსები ინტერნეტში

• ნუგზარ შატაიძის ვებ–გვერდი
• გაკაპიკებულა ანუ ევროპაში რა მინდოდა
• ლიბ.გე
• არმურის საფიხვნოზე
• „პურის მოთხრობის“ პარაბოლა
• ნუგზარ შატაიძის „შეხვედრა“