შორენა ბეგაშვილი

შორენა ბეგაშვილი
ფაილი:Shorena.gif
დაბადების სახელი	შორენა ბეგაშვილი
დაბადების თარიღი	8 ივლისი, 1982 რუსთავი, საქართველოს სსრ
საქმიანობა	მსახიობი, წამყვანი

შორენა ბეგაშვილი (დ. 8 ივლისი, 1982 რუსთავი) — ქართველი მსახიობი და ტელეწამყვანი.

დაამთავრა შოთა რუსთაველის თეატრისა და კინოს უნივერსიტეტი. მუშაობდა ვაკის თეატრალურ სარდაფში, რუსთაველის თეატრალურ სარდაფში, თეატრ გლობუსში.

შორენას კარიერა პრაქტიკულად დაიწყო 2008 წლიდან, როდესაც ის გაშიშვლდა ქართულენოვანი „ფლეიბოისთვის“. ამის შემდეგ ბეგაშვილი თამაშობდა სხვადასხვა ეროტიკულ როლებს.

2009-2010 წლებში ჰქონდა თავისი საავტორო ეროტიული ხასიათის გადაცემა „ღამე შორენასთან“ (იმედი TV). გადაცემას ბევრი კრიტიკა მოჰყვა, როგორც საზოგადოების მხრიდან, ასევე სასულიერო პირებისაგან.

ამჟამად „რუსთავი 2“-ის ეთერში ვანიკო თარხნიშვილთან ერთად მიჰყავს გადაცემა „იღბლიანი ბორბალი“.

შორენა გახვეული იყო უამრავ სკანდალში, როგორც მისი საქმიანობის, ასევე მისი პირადი ცხოვრების გარშემო. ერთ-ერთი ყველაზე გახმოვანებული სკანდალი ეხება მისსა და საქართველოს სამეფო ტახტის მემკვიდრის დავით მუხრანელის რომანს.

შორენა ბეგაშვილი განქორწინებულია, ჰყავს ქალიშვილი ევა.

ფილმოგრაფია

• ყველაფერი კარგად იქნება (2009) - ანი
• ოცნების ქალაქი (2010) - მაკა
• მაიტა ნასოსი (2010)
• უშენოდ მგონი მოვკვდები (2010)
• მამაჩემის გელფრენდი (2011)
• ჭამა და სექსი (2011)
• Keep Smiling (2011)
• პოკერი სიყვარულის წესებით (2013)

რესურსები ინტერნეტში

• შორენა ბეგაშვილი კინოფილმების ინტერნეტ-მონაცემთა ბაზაში
• შორენა ბეგაშვილი [დაარქივებული] — ეროვნული ფილმოგრაფია