სამურავი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
სამურავი
Wolverine on rock.jpg
მეცნიერული კლასიფიკაცია
სამეფო: ცხოველები
ლათინური სახელი
Gulo gulo
დაცვის სტატუსი
არეალი
Gulo gulo distribution.svg

სამურავი (ლათ. Gulo gulo) — მტაცებელი ძუძუმწოვარი კვერნისებრთა ოჯახისა. მისი სხეულის სიგრძე 70—105 სმ. მასა 11—19 კგ აღწევს. აქვს მასიური სხეული, მძლავრი ფართო თათები, შედარებით პატარა თავი, პატარა მომრგვალო ყურები, ხშირი, გრძელი ბეწვი. შეფერილობა — ღია ყავისფერიდან მუქ ყავისფერამდე. კუდის ფუძიდან სხეულის გვერდებისაკენ გასდევს ფართო ცვილისფერი ზოლი. სამურავი გავრცელებულია ევროპის, აზიისა და ჩრდილოეთ ამერიკის ტაიგასა და ტუნდრაში. გვხვდება ერთეულებად. იკვებება ლეშით (რითაც სარგებლობა მოაქვს), აგრეთვე თავს ესხმის ჩლიქოსნებს, ფრინველებსა და თაგვისებრ მღრღნელებს. ჩრდილოეთის ხალხები სამურავის ბეწვს ქურქად იყენებენ, მფრინავები და კოსმონავტები — კოსტიუმებისათვის.

ლიტერატურა[რედაქტირება]